ئامېرىكا قوشما ئىشتاتلىرىنىڭ بەسرە كونسۇلخانىسى تاقالدى

تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرى تاشقى ئىشلار مىنىستىرلىقى باياناتچىسى ھېسېر ناۋېرت تەرىپىدىن، پومپېيونىڭ ئامېرىكا قوشما ئىشتاتلىرىنىڭ بەسرە كونسۇلخانىسىنى تاقاش قارارى توغرۇلۇق ئېلان قىلىنغان يازما باياناتتا ئەسكەرتىلىشىچە، پومپېيو بۇ ھەقتىكى قارارىدا مۇنداق دېگەن: «ئامېرىكا قوشما ئىشتاتلىرىنىڭ باغداد باش ئەلچىخانىسى بەسرە رايونىدىكىلەرگە تولۇق مۇلازىمەت قىلىشنى داۋاملاشتۇرىدۇ.»

ھېسېر ناۋېرت يەنە، ئامېرىكا قوشما ئىشتاتلىرىنىڭ ئىراقنىڭ جەنۇبىي رايونىدىكى ئىراق خەلقىگە داۋاملىق ياردەم بېرىلىدىغانلىقىنىمۇ سۆزلىرىگە ئىلاۋە قىلدى.

مىنىستىر پومپېيومۇ بۇ ھەقتە ئېلان قىلغان يازما باياناتىدا، ئامېرىكا قوشما ئىشتاتلىرىنىڭ ئىراقتىكى خىزمەتچى – خادىملىرى ھۇجۇمغا ئۇچرىغان تەقدىردە، ئىراننى جاۋابكارلىققا تارتىدىغانلىقلىرىنى بىلدۈردى.