رۇسىيەنىڭ ھەربىي ئايروپىلانى يوقاپ كەتتى

تۈركىيە ئاۋازى رادىيوسى خەۋىرى: رۇسىيە دۆلەت مۇداپىئە مىنىستىرلىقى تەرىپىدىن بۇ ھەقتە ئېلان قىلىنغان يازما باياناتتا ئەسكەرتىلىشىچە، 14 ھەربىي ئولتۇرغان « Il-20» تىپلىق ھەربىي ئايروپىلان رۇسىيەنىڭ سۈرىيەدىكى ھۇمەيمىم ھەربىي بازىسىغا قايتىشى جەريانىدا ئاقدېڭىز ئۈستىدە راداردىن چىقىپ كەتكەن.

ئايروپىلاننىڭ ئىسرائىلىيەگە ئائىت « F-16 » تىپلىق ئۇرۇش ئايروپىلانىنىڭ سۈرىيەنىڭ لازقىيە شەھىرىدە ئېلىپ بارغان ھۇجۇمى جەريانىدا يوقاپ كەتكەنلىكى ئۇقتۇرۇلغان باياناتتا تەكىتلىنىشىچە، ئاقدېڭىزدىكى فىرانسىيەگە ئائىت بىر قوغدىغۇچى پاراخوتتىن رايونغا باشقۇرۇلىدىغان بومبا ھۇجۇمى ئېلىپ بېرىلغان بولۇپ، يوقاپ كەتكەن ھەربىي ئايروپىلاندىكى رۇس ئەسكەرلىرىنىڭ ئاقىۋىتى توغرۇلۇق ھېچقانداق مەلۇمات يوق ئىكەن.