ئوباما ئامېرىكىنىڭ ئەڭ ياخشى پىرېزىدېنتى بولۇپ تاللاندى

تۈركىيە ئاۋازى رادىيوسى خەۋىرى: ئامېرىكا مىقياسىدا ئېلىپ بېرىلغان ئەلرايىنى سىناش نەتىجىسىگە ئاساسلانغاندا، ئاۋاز قاتناشتۇرغان ئامېرىكىلىقلار، سابىق پىرېزىدېنت ئوبامانى خىزمىتىنى ئەڭ ياخشى قىلغان پىرېزىدېنت، دەپ قارايدىكەن. ئۇلارنىڭ %44 ى ئاق تەنلىك ۋە قارا تەنلىك ھەر ئىككى مىللەتكە خىزمەت قىلغان ئوبامانىڭ ئامېرىكا قوشما ئىشتاتلىرىنىڭ ئەڭ ياخشى پىرېزىدېنت، دەپ ھېسابلايدىكەن.

Pew Research Center ناملىق مەزكۇر تەتقىقات ئورگىنىنىڭ ئەلرايى نەتىجىسىدە، بىل كلىنتون %33 ئاۋازغا ئېرىشىپ ئىككىنچى؛ رونالد رېگان %32 ئاۋازغا ئېرىشىپ ئۈچىنچى رەتتىن ئورۇن ئالدى.

5 – ئىيۇندىن 12 – ئىيۇنغىچە بولغان بىر ھەپتە بويىچە ئۆي – ئىشخانا ۋە يانفون ئارقىلىق 2 مىڭدىن ئادەم بىلەن ئېلىپ بېرىلغان سۆھبەتلەر نەتىجىسىدە ئېلىنغان ئەلرايى كۆرسەتكۈچىدە، نۆۋەتتىكى ئامېرىكا پىرېزىدېنتى دونالد ترامپ تىزىملىكنىڭ ئەڭ ئاخىرىدىن ئورۇن ئالدى.

كۆرسىتىلىشىچە، دونالد ترامپ، ئەڭ قۇتۇبلاشتۇرغۇچى ئامېرىكا پىرېزىدېنتى دەپ قارىلىدىكەن.