israiliye «erkinlik paraxoti» din qolgha alghan 7 kishini qoyup berdi

türkiye awazi radiyosi xewiri: ghezzediki qamalni bikar qilish milliy heriketning maslashturghuchisi raid ebu zeyr «erkinlik paraxoti 2» ning kapitani we yardemchisining sirtidiki qolgha élinghanlarning hemmisining israiliye teripidin qoyup bérilgenlikini éytti.

qoyup bérilgen 7 kishining beyt xanun chégra éghizidin ötüp, ghezzege ketkenlikini eskertken zeyr, xelqaraliq teshkilatlarni paraxotning kapitani we uning yardemchisining aqiwitining qandaq bolghanliqini éniqlap chiqishqa chaqirdi.

ghezzede qamal astida yashawatqan bir guruppa pelesitnlik «erkinlik paraxoti 2» bilen bügün etigen ghezze portidin déngizgha seper qilip, qamalni bikar qilishni nishan qilghanidi. israiliye küchliri mudaxile qilmisa, paraxotning jenubiy qibris portigha yétip bérishi pilanliniwatatti.