رۇسىيە قىسىملىرى ئىيوردانىيە چېگراسىغا يېتىپ باردى

تۈركىيە ئاۋازى رادىيوسى خەۋىرى: سۈرىيەنىڭ دىرئە شەھىرى 10 – ئىيۇندىن بۇيان بەششار ئەسەد كۈچلىرىنىڭ ھۇجۇملىرى ئاستىدا بولۇپ، رايوندىكى پۇقراۋى مۇداپىئە ئەترەتلىرىنىڭ بىلدۈرۈشىچە، ھۇجۇملاردا ئۆي – ماكانلىرىدىن ئايرىلىپ قالغان پۇقرالارنىڭ سانى 350 مىڭدىن ئېشىپ كەتكەن.

دۆلەتنىڭ غەربىدىكى دىرئە ۋە كۇنەيترا، ئاستانا باسقۇچىنىڭ كاپالەتچىلىرى بولغان تۈركىيە، ئىران ۋە رۇسىيە قاتارلىق دۆلەتلەر  2017 – يلى ماي ئېيىدا شەكىللەندۈرگەن 4 سۈركىلىشنى ئازايتىش رايونى ئىچىدە بولۇپ، بەششار ئەسەد كۈچلىرىنىڭ ھۇجۇملىرىدىن كېيىن كەڭ كۆلەملىك كۆچۈش مەيدانغا كەلگەن بىر پەيتتە، ئۆكتىچىلەر بىلەن رۇسىيە دائىرىلىرى بىردەكلىك ھاسىل قىلغان.

ئۆكتىچىلەر كېلىشىمگە ئاساسەن ئېغىر تىپلىق قورال – ياراغلارنى تاپشۇرىدىكەن، كېلىشىمنىڭ ئىجرا قىلىنىشى بىلەن بىرلىكتە رايوننى تەرك ئېتىشنى خالايدىغان ئۆكتىچىلەر ئائىلىلىرى بىلەن بىرلىكتە بۇ يەرلەردىن ئايرىلىدىكەن.