papa poplarni "pirewn" bolmasliqqa agahlandurdi
katolik dunyasining ruhaniy rehbiri papa franjiskus poplarni pirewnge oxshash yashimasliq toghrisida agahlandurdi.
türkiye awazi radiyosi xewiri: papa franjiskus watikanda "italiye épiskoplar yighini" (CEI) da söz qildi. u kembeghelliktin gep qilip, rahet-paraghette yashashning ziddiyetlik ikenlikini eskertip, jinsiy parakendichilik we pulgha munasiwetlik setchiliklerning popluq xizmitige ziyan salghanliqini bildürdi.
u sözide, bezi popluq rayonlirida pul-muamile setchiliklirining yüz bergenlikini xatiriletti we mundaq dédi:
"bezi poplarning kembeghelliktin gep qilmay, pirewnge oxshash yashawatqanliqini köreleymiz. kembeghelliktin gep qilip rahet-paraghet ichide hayat sürüshmu ziiddiyetlik bolidu. pulning ashkara bolushtin yiraq halda bashqurulushi yaki chérkawning mal-mülkige xususiy mal-mülükke oxshash muamile qilish, rezilliktin ibaret."
u yéqinqi yillarda "italiye épiskoplar yighini" dairiside muhim musapilerning bésilghanliqini, emma téximu köp xizmet qilish kéreklikini tekitlidi.
