hamas paragwayni eyiblidi
islamiy qarshiliq körsitish herikiti – hamas, jenubiy amérika döliti paragwayning tél awiwdiki elchixanisini qudusqa yötkishini eyiblidi.
türkiye awazi radiyosi xewiri: hamas yazma bayanat élan qilip, paragwayning elchixanisini qudusqa yötkishining «pelestinliklerning heqlirige qarimay, yehudiy irqchi bir döletning qurulushi yolida amérika qoshma ishtatlirining siyasitige egishish» dégenlik bolidighanliqini eskertti.
paragwayning bu qedimining mesuliyetsizlerche shundaqla xelqara qanungha zit ikenliki qeyt qilinghan bayanatta, ereb we musulman döletliri elchixanisini qudusqa yötkigen barliq döletler bilen munasiwetleni üzüshke, pelestinliklerning qarshiliq körsitishi we heqliq dewalirigha hemnepes bolushqa chaqirildi.
jenubiy amérika döliti paragway, tünügün ötküzülgen resmiy murasimdin kéyin tél awiwdiki elchixanisini qudusqa yötkigen üchinchi dölet boldi.
ottura amérika döliti guatémalamu amérikidin kéyin 16 – mayda tél awiwdiki elchixanisini qudusqa yötkigenidi.
مۇناسىۋەتلىك خەۋەرلەر
