ياپونىيە بىلەن خىتاي قىزىل سىزىق ئالاقە مېخانىزمىنى ئىشقا سالىدىغان بولدى

تۈركىيە ئاۋازى رادىيوسى خەۋىرى: كىيودو ئاگېنتلىقىنىڭ ياپونىيە دۆلەت مۇداپىئە مىنىستىرلىقىنى مەنبە كۆرسەتكەن خەۋىرىدە، توكيودا ياپونىيە، جەنۇبىي كورېيە ۋە خىتاي باش مىنىستىرلىرىنىڭ قاتنىشىشى بىلەن ئۆتكۈزۈلگەن ئالىي رەھبەرلەر يىغىنىدىن كېيىن، خىتاي بىلەن ھەر قايسى تەرەپلەرنىڭ يۇقىرى دەرىجىلىك دۆلەت مۇداپىئە ئەمەلدارلىرى ئوتتۇرىسىدا تەرتىپلىك دىيالوگ ۋە قىزىل سىزىقنىمۇ ئۆز ئىچىگە ئالغان ئالاقە مېخانىزمنىڭ ئىشقا سېلىنىشىغا دائىر ھۆججەتنىڭ ئىمزالانغانلىقى بىلدۈرۈلدى.

ياپونىيە دۆلەت مۇداپىئە مىنىستىرلىقىنىڭ باياناتىدا، جوغراپىيە مەسىلىلىرى ئۈستىدە ھېچ قانداق قاراتمىلىقى بولماستىن، 8 – ئىيۇندىن ئېتىبارەن ئىشقا كىرىشتۈرۈلىدىغان بۇ مېخانىزمنى قۇرۇپ چىقىش پىلانىنىڭ ئەسلىدە 2007 – يىلى قوبۇل قىلىنغانلىقى ئەسكەرتىلدى.

2012 – يىلى توكيو دائىرىلىرى سانكاكۇ ئارىلىنى دۆلەتكە ئۆتكۈزۈۋېلىشقا دائىر بايانات ئېلان قىلىنغاندىن كېيىن، ياپونىيە بىلەن خىتاي ئوتتۇرىسىدا جىددىيچىلىك ئەۋجىگە چىققان ئىدى.