islam hemkarliq teshkilati sirilanka hökümitini musulmanlarni qoghdashqa chaqirdi

türkiye awazi radiyosi xewiri: islam hemkarliq teshkilati yazma bayanat élan qilip, sirilankadiki jamelerning, musulmanlargha tewe öy – makan we ish orunlirining hujumgha uchrawatqanliqi toghrisidiki xewerlerni qayghurush ichide közitiwatqanliqini we musulmanlargha qarshi bu xil zorawanliq weqeliridin chongqur endishe qiliniwatqanliqini eskertti.

bayanatta, zorawanliq we öchmenlikning ashqun teshkilatlarning qoli arqiliq kéngiyip kétishining aldini élish we musulmanlarni himaye qilish üchün sirilanka hökümitining estayidil charilerni yolgha qoyushi telep qilindi.

düshenbe küni sirilankida bir kishining bir guruppa musulmanning hujumigha uchrap balnistqa élinghandin ölüp ketkenliki toghrisidiki xewerlerning tarqilishi bilen teng musulmanlargha hujum qilish hadisiliri bashlinip ketkenidi. bu dairide budistlar kandy rayonidiki musulmanlargha tewe 10 din artuq öy we dukangha ot qoyup bergendin kéyin, rayonda kochigha chiqishni meni qilish tüzümi yolgha qoyulghanidi.

sirilanka pirézidénti maytripala siriséna, kandydiki weqelerning bashqa rayonlargha kéngiyip kétishining aldini élish meqsitide tünügün dölet miqyasida jiddiy halet élan qilghanidi.

birleshken döletler teshkilati (b d t) mu sirilanka musulmanlirigha qarshi sadir qilinghan zorawanliq weqeliridin endishe qiliwatqanliqini bildürgenidi.

sirilanka nopusining %75 ge yéqinini budist sinhalalar, %9 ni musulmanlar teshkil qilidiken, qalghan qismi bashqa éntik we diniy guruppilardin teshkil tapidiken.