جەنۇبىي كورېيەنىڭ سابىق پىرېزىدېنتىغا 30 يىللىق قاماق جازاسى تەلەپ قىلىندى
جەنۇبىي كورېيە مۇپەتتىشلىرى سابىق پىرېزىدېنت پارك گېئۇن خەينى چىرىكلىك قىلىش ۋە ۋەزىپىسىنى يامان ئىشلارغا ئىشلىتىش جىنايىتى بىلەن ئەيىبلەپ، 30 يىللىق قاماق جازاسى تەلەپ قىلدى.
تۈركىيە ئاۋازى رادىيوسى خەۋىرى: مۇپەتتىشلەر سوت مەھكىمىسىدە ئېلان قىلغان باياناتىدا، «مەھكىمىدىن دۆلىتىمىزنىڭ 18 – نۆۋەتلىك پىرېزىدېنتى بولۇش سۈپىتى بىلەن ئەڭ چوڭ جاۋاپكارلىقنى ئۈستىگە ئېلىشى كېرەكلىك بولغان گۇماندارغا 30 يىللىق قاماق جازاسى بېرىلىشىنى ھەمدە 118 مىليارد 500 مىليون ۋون (يەنى 110 مىليون دوللار) جەرمانە قويۇلىشىنى تەلەپ قىلىمىز» دېدى.
مۇپەتتىشلەر پاركنىڭ ئۇزۇن يىللارغىچە جەنۇبىي كورېيەلىك 3 شىركەتتىن ھەر خىل ئىلتىماسلارغا بەدەل سۈپىتىدە، 59 مىيارد 200 مىليون ۋون (52 مىليون دوللار) پارا ئالغانلىقىنى ياكى ئېلىشقا ئۇرۇنغانلىقىنى ئىلگىرى سۈردى.
جەنۇبىي كورېيە پارلامېنتى 2016 – يىلى ئۆتكۈزگەن رەي سىناشتا پاركنىڭ ۋەزىپىسىدىن ئېلىپ تاشلىنىشىنى رەسمىي قارار قىلغان ئىدى.
دۆلەت ئاساسىي قانۇن مەھكىمىسىنىڭ 7 مۇپەتتىشتىن تەشكىل تاپقان ھەيئىتى، 2017 – يىلى پاركنىڭ پىرېزىدېنلىق ۋەزىپىىسدىن ئېلىپ تاشلىنىشنى بىردەك ئاۋاز بىلەن قوبۇل قىلغاندىن كېيىن، جەنۇبىي كورېيە تارىخىدا سوت مەھكىمىسىنىڭ قارارى بىلەن ۋەزىپىسىدىن ئېلىپ تاشلانغان تۇنجى پىرېزىدېنت پارك گېئۇن خەي بولغان ئىدى.
مۇناسىۋەتلىك خەۋەرلەر
لىۋان ھىزبۇللاھى: ئىسىرائىلىيە پۇشايمان قىلىدۇ
لىۋان ھىزبۇللاھى ئىسىرائىلىيە ھۇجۇم قىلسا «پۇشايمان» قىلىدىغانلىقى توغرىسىدا ئاگاھلاندۇردى.