gambiye pirézidénti türkiyede

türkiye awazi radiyosi xewiri: türkiye büyük millet mejlisining bashliqi ismail qahraman enqerede dölet ishliri ziyaritide boluwatqan gambiye pirézidénti adama barrow we hemrahliqidiki heyet bilen körüshti.

heyetni türkiye büyük millet mejliside kütüwalghanliqidin tolimu xursen ikenlikini eskertken qahraman: «gambiye bizge nisbeten dost hem qérindash dölettur» dédi.

gambiye pirézidénti barrow bolsa tunji qétim türkiyede ziyarette bolghanliqidin intayin xursen ikenlikini éytti.

jumhur reis rejep tayyip erdoghanning teklipige binaen türkiyege ziyaretke kelgenlikini eskertken barrow, bu teklipning nahayiti zor ehmiyetke ige ikenlikini, özining buningdin bir yil ilgiri wezipige olturghanliqini tekitlep mundaq dédi: «bu ziyaret biz üchün tépilghusiz pursettur. nahayiti musheqqetlik bir yilni bashtin kechürduq. pirézidéntliqqa saylanghandin kéyin türkiye méni tebrikligen tunji döletlerdin biri boldi. buningdin tolimu xursenmiz. derweqe, türkiye bilen köpligen ortaq tereplirimiz bar. türkiye bilen gambiye mürini mürige tirep  küresh qilip, dunyani téximu awat qilishqa tirishidu.»

uchrishishta, sehiye ministiri ehmed demirjan, türkiye – gambiye dostluq guruppisining bashliqi, adalet we tereqqiyat partiyesi kilis parlamént ezasi reshit polat, türkiye büyük millet mejlisi bash katipi mehmet eli qumbuzoghlu qatarliqlarmu  qahramangha hemrah boldi.