qatarni muhasirige alghan döletlerning tashqi ishlar ministirliri riyadta yighin chaqirdi
qatarni muhasirige alghan seudi erebistan, ereb birleshme xelipiliki, misir we behreyn qatarliq döletlerning tashqi ishlar ministirliri seudi erebistanning paytexti riyadta yighin chaqirdi.
türkiye awazi radiyosi xewiri: behreyn resmiy xewer agéntliqi –BNA ning xewer qilishiche, yighinda pars qoltuqi kirizisi toghrisida pikir almashturulghan we kirizisqa alaqidar eng yéngi özgirishler shundaqla rayongha alaqidar mesililer muhakime qilinghan.
yighinda, mezkur döletlerning özara maslishishni yuqiri kötürüp, hemkarlishish arqiliq ereb milliy bixeterlikini muhapizet qilish, buningdin bashqa her türlük térrorluqqa qarshi küreshni kücheytip, térrorni qollighuchilar bilen ularni maliye bilen teminligüchilerge qarshi turushqa isharet qilip ötülgen.
seudi erebistan, ereb birleshme xelipiliki, misir we behreyn dairilirining 5 iyunda qatar bilen barliq diplomatik munasiwetlerni üzüp tashlighanliqini élan qilishi pars qoltuqi rayonida kirizis peyda qilghanidi.
مۇناسىۋەتلىك خەۋەرلەر
israiliyelikler bashqa döletlerge chiqip kétishni dawamlashturmaqta
2024-yilning deslepki 7 éyida 40 ming israiliyelik döletni terk etti.
