engliyelik pop amérikiliq poplarni tenqid qildi

türkiye awazi radiyosi xewiri: engliyediki anglikan chirkawi popi pawu bayés amérika pirézidénti donald trampni qollighan amérikiliq dini rehberlerni tenqid qildi.

engliyediki gurdian gézitining ziyaritini qobul qilghan bayés, bir qisim xiristiyan dini rehberlerning tramp we ittipaqdashlirining dégenlirini oylimayla shu péti qobul qilidighanliqlirini eskertti.

bayés xiristiyanliqta namrat we ajiz kishilerni qoghdashning terghip qilinidighanliqini tekitlep mundaq dédi: «dini rehberler terghip kéliwatqan bezi mesililer namratlarni chetke qaqidighan tüzümning dégen yéridin chiqiwatidu bu tüzüm köwrüklerning ornigha sépil salidighan, jemiyetning chétidiki insanlarni chetke qaqidighan , köchmenlerge soghuq muamile qilidighan tüzümdur.»

insanlarning dindin xaliy idiyelernimu terghip qilish erkinliki barliqini éytqan bayés sözini dawamlashturup mundaq dédi: «insanlar bundaq idiyelerni terghib qilghanda, xirsitiyanlargha oxshash eqilge muwapiq usullarni ishlitishi kérek, men dindin xaliy noqul siyasiy meqsetlik idiyelerni qollap ketmeymen.»