ترامپنىڭ ۋىزا چەكلىمىسى مەھكىمىنىڭ تەستىقىدىن ئۆتتى
ئامېرىكا يۇقىرى سوت مەھكىمىسى، پىرېزىدېنت دونالد ترامپنىڭ بەزى مۇسۇلمان دۆلەتلەرنىڭ پۇقرالىرىغا ۋىزا بېرىشنى توختىتىش قارارىنى ماقۇللىدى.
تۈركىيە ئاۋازى رادىيوسى خەۋىرى: ئامېرىكا يۇقىرى سوت مەھكىمىسى، پىرېزىدېنت دونالد ترامپنىڭ «نوپۇسىنىڭ كۆپ سانلىقى مۇسۇلمانلاردىن تەشكىل تاپىدىغان 6 دۆلەت پۇقراسىغا ۋىزا بېرىشنى توختىتىش» توغرىسىدىكى قارارنامىسىنى ئىجرا قىلسا بولىدىغانلىقىغا ھۆكۈم قىلدى.
سوتنىڭ مەزكۇر قارارىنىڭ روھىغا ئاساسەن، دونالد ترامپ دائىرىلىرى سۈرىيە ، لىۋىيە، سومالى، ئىران، يەمەن ۋە چاد پۇقرالىرىغا ساياھەت چەكلىمىسى قويۇش بەلگىلىمىسىنى ئىجرا قىلىشقا باشلايدۇ. مەزكۇر دۆلەتلەرنىڭ پۇقرالىرىنىڭ ئامېرىكىغا كىرىشى، ئامېرىكىدا ياشايدىغان كىشى ياكى ئامېرىكا ئورگانلىرى بىلەن ئالاقىسى بولغان تەقدىردىمۇ توسۇپ قىلىنىدۇ .
ئامېرىكا دائىرىلىرىنىڭ 24 – سېنتەبىردە چىقارغان 7 دۆلەت پۇقرالىرىغا ۋىزا بېرىشنى توختىتىش قارارى، ھاۋايى فېدېراتسىيە مۇپەتتىشى دېررىك ۋاتسون تەرىپىدىن «مىللەتلەرگە قاراپ كىشىلەرگە ئايرىمىچىلىق قىلغانلىقى» ئىلگىرى سۈرۈلۈپ، 17 – ئۆكتەبىردە توختىتىپ قويۇلغانىدى.
ترامپ دائىرىلىرى، مارت ئېيىدا نوپۇسىنىڭ كۆپ سانلىقى مۇسۇلمان بولغان ئىران، سۈرىيە ، سۇدان، سومالى، يەمەن ۋە لىۋىيە پوقرالىرىغا 90 كۈن بويىچە ۋىزا بەرمەسلىكنى ۋە 120 كۈن بويىچە ئامېرىكىغا مۇساپىر قوبۇل قىلىشنى توختىتىپ قويۇشنى قارار قىلغانىدى.
مۇناسىۋەتلىك خەۋەرلەر
لىۋان ھىزبۇللاھى: ئىسىرائىلىيە پۇشايمان قىلىدۇ
لىۋان ھىزبۇللاھى ئىسىرائىلىيە ھۇجۇم قىلسا «پۇشايمان» قىلىدىغانلىقى توغرىسىدا ئاگاھلاندۇردى.