ئامېرىكا ئۇرۇش ئايروپىلانلىرى كورېيە يېرىم ئارىلىدا مانېۋىر ئۆتكۈزدى

تۈركىيە ئاۋازى رادىيوسى خەۋىرى: جەنۇبىي كورېيەلىك بىر ھەربىي ئەمەلدار بايانات بېرىپ، ئامېرىكىنىڭ گۇئام ئارىلىدىن قوزغالغان ب-1ب تىپلىق ئىككى دانە ئېغىر بومباردىمانچى ئايروپىلانى بىلەن جەنۇبىي كورېيەنىڭ ئىككى دانە ف-16 ئۇرۇش ئايروپىلانىنىڭ جەنۇبىي كورېيەنىڭ شەرقىي قىسمىدا مانېۋىر ئۆتكۈزگەنلىكىنى بىلدۈردى.

شىمالىي كورېيە رەسمىي خەۋەر ئاگېنتلىقى – KCNA بولسا، مانېۋىرنىڭ ئەيىبلەنگەنلىكىنى بىلدۈرۈپ، ئامېرىكىنىڭ يادرو ئۇرۇشى قوزغاشنىڭ يوللىرىنى ئىزدەۋاتقانلىقىنى ئىلگىرى سۈردى.

يەنە بىر تەرەپتىن ئامېرىكا پىرېزىدېنتى دونالد ترامپنىڭ 5 – نويابىردىن 14 – نويابىرغىچە بولغان ئارىلىقتا ياپونىيە، جەنۇبىي كورېيە، خىتاي، ۋىيېتنام ۋە فىلىپپىن قاتارلىق ئاسىيا ئەللىرىدە زىيارەتتە بولۇشى پىلانلانماقتا.