خىتايدا سۇ ئاپىتى يۈز بەردى

تۈركىيە ئاۋازى رادىيوسى خەۋىرى: شىنخۇا ئاگېنتلىقىنىڭ خەۋەر قىلىشىچە، خۇبېي ئۆلكىسىگە تەسىر كۆرسەتكەن قاتتىق يامغۇر كەلتۈرۈپ چىقارغان سۇ ئاپىتىدە 5 كىشى ئۆلگەن، 8 مىڭ 500 ئۆي ئۆرۈلۈپ چۈشكەن، 253 مىڭ گېكتاردىن ئارتۇق تېرىلغۇ يەر زىيانغا ئۇچرىغان، 608 مىليون دوللارلىق ماددىي زىيان كېلىپ چىققان، 26 مىڭ 700 كىشى بىخەتەر جايلارغا ئورۇنلاشتۇرۇلغان.

ئاپەتتىن كېيىن رايونغا ئىزدەش – قۇتقۇزۇش ئەترەتلىرى ۋە سەھىيە خادىملىرى ئەۋەتىلگەن.

ئالدىنقى ئايمۇ شەنشى ئۆلكىسىدە سۇ ئاپىتى يۈز بېرىپ 5 كىشى ھاياتىدىن ئايرىلغان، 27 مىڭ كىشى بىخەتەر جايلارغا ئورۇنلاشتۇرۇلغانىدى.