shimaliy koréyelik bir esker panahliq tilidi

türkiye awazi radiyosi xewiri: yonxap xewer agéntliqi jenubiy koréye armiye bash ishtabining bayanatini menbe körsitip bergen xewiride, shimaliy koréyelik bir eskerning tünügün kech shu jay waqti 19 din 50 minut ötkende, shimali – jenub arisidiki herbiylerdin xaliy rayondin ötüp, jenubiy koréyelik eskerler postta turuwatqan yerge kelgenliki eskertildi.

shimaliy koréyelik mezkur eskerning jenubiy koréyelik eskerler teripidin soraq qilinghanliqi, uning jenubqa ötüshi esnasida toqunush chiqmighanliqi bildürülgen bayanatta, mezkur eskerning kimliki toghrisida uchur bérilmidi.

jenubiy koréye birleshme ministirliqining bayanatchisi jéong jun-xé, 2016 – yili aprél éyida bir chet dölette yashaydighan 12 ayal 1 er jemiy 13 shimaliy koréyelikning jenubiy koréyedin panahliq tiligenlikini ashkarilighanidi. yene 2015 – yili shimaliy koréyelik dölet bixeterlik idarisida ishleydighan bir polkownikning shimaliy koréyege qachqanliqi uqturulghanidi.

séul hökümitining ötken yilliq sanliq melumatlirigha qarighanda, 1950 – 1953 – yilliri arisidiki koréye urushining axirlishishidin buyan shimaliy koréyediki acharchiliq we piyongyang dairilirining shepqetsizlerche bésim siyasitidin qachqan 29 ming shimaliy koréyelik jenubiy koréyedin panahliq tiligen.

herbiylerdin xaliylashturulghan rayon, 1950 – 1953 – yilliridiki koréye urushidin kéyin imzalanghan bir xelqara kélishimge asasen tesis qilinghanidi. rayon etrapida 2 milyondin artuq esker wezipe öteydu.