eljezire qanalliri cheklendi
seudi erebistanda méhmansaray we shirketlerge ewetilgen höjjette merkiziy qatargha jaylashqan el jezire téléwiziye qanilining öchürülüshi telep qilindi.
türkiye awazi radiyosi xewiri: seudi erebistan sayahet we milliy miraslar idarisi méhmansaray we shirketlerde el jezire qanilini cheklesh toghrisida bayanat élan qildi. bayanatta, méhmansaray we méhmanxanilarni bashqurush belgilimisi boyiche, suniy hemradin tarqitilidighan pirogrammilarni qobul qilidighan üskünilerde döletning resmiy qanallirining bolushi kérekliki, seudi erebistangha, din we exlaqqa qarshi qanallarning bolmasliqi bildürüldi.
bayanatta, eljezire qanallirini öchürmigen her bir shirketke 100 ming riyal (texminen 26.6 mi dollar) jaza bérilidighanliqi qeyt qilindi.
qatar resmiy xewer agéntliqi (QNA) 23-may qatar emiri sheyx temim alsanini menbe körsitip, «amérikigha qarshi we iranni qollaydighan» bayanat élan qlghan idi. biraq, QNA agéntliqi uzun ötmey tor bétining siber hujumgha uchrighanliqini bildürüp, mezkur bayanatning diqqetke élinmasliqini uqturghan idi.
ereb birleshme xelipilikide pirogramma tarqitidighan el erebiyye (Al Arabiya) we skay niyus erebiyye (SKY News Arabia) qanalliri resiy bayanat élan qilinghan bolushigha qarimay tarqitishni dawamlashturdi.
seudi erebistan, ereb birleshme xelipiliki we misir qatarning axbarat organlirini cheklidi. 3-iyun ereb birleshme xelipilikining washingtonda turushluq bash elchisi yusuf eluteybening ikenliki ilgiri sürülgen we bezi xakkér guruppiliri teripidin qolgha chüshürülgen élixetler ashkarilandi.
élixetlerde, bash elchining isirailiyeni qollaydighan «démokratiyeni qoghdash wexpi» bilen yéqin munasiwitining barliqi we türkiye bilen qatargha qarshi ortaq siyaset tüzüsh üchün heriket qiliwatqanliqi qeyt qilindi.
