ئىسرائىلىيە سۈرىيەگە ھۇجۇم قىلدى

تۈركىيە ئاۋازى رادىيوسى خەۋىرى: ئىسرائىلىيە ئارمىيەسى سۈرىيەدىن 2 راكىتامىيۇت ئېتىلغانلىقىنى ئىلگىرى سۈرۈپ، سۈرىيەگە ھۇجۇم قىلدى.

ئىسرائىلىيە ئارمىيەسى تەرىپىدىن ئېلان قىلىنغان يازما باياناتتا، سۈرىيە تەرىپىدىن ئېتىلغان 2 راكىتامىيۇتنىڭ جولان ئېگىزلىكىگە چۈشكەنلىكى، بىراق ئادەم ئۆلۈش ياكى يارىدار بولۇش ۋەقەسى كۆرۈلمىگەنلىكى، ئىسرائىلىيە ئارمىيەسىنىڭمۇ راكىتامىيۇتلار ئېتىلغان تەرەپتىكى بازىلارنى بومباردىمان قىلىپ جاۋاپ قايتۇرغانلىقى بىلدۈرۈلدى.

باياناتتا، سۈرىيەگە قىلىنغان ھۇجۇمنىڭ ئەھۋالى ھەققىدە مەلۇمات بېرىلمىدى.

ئىسرائىلىيە مەتبۇئاتلىرى بولسا، بۇ ھۇجۇمنىڭ توپقا تۇتۇش ئارقىلىق ئېلىپ بېرىلغانلىقىنى يازدى.

ئىسرائىلىيە ئارمىيەسى ئالدىنقى ئايدىمۇ سۈرىيەدىكى بەزى جايلارغا ھاۋادىن ھۇجۇم قىلغانلىقىنى ئېلان قىلغان ئىدى.