seudi erebistanda tunji qétim bir ayal fakultét mudiri boldi

türkiye awazi radiyosi xewiri: seudi erebistanda tunji qétim bir ayal uniwérsitét fakultéti mudirliqigha teyinlendi.

seudi erebistan maarip ministirliqi dölet tarixida tunji qétim hem qizlargha, hem oghullargha ders ötülidighan fakultétqa bir ayalni mudir qilip teyinlidi.

ministirliqning qarari bilen taif uniwérsitéti tibbiy penler fakutétining mudirliq wezipisige teyinlengen piroféssor doktor delal muhyiddin nemnekatining akadémik sewiyesi we qolgha keltürgen utuqlirining yuqiriliqi sewebidin bu wezipige layiq körülgenliki uqturuldi.

taif uniwérsitétidin kéyin seudi erbistandiki bashqa uniwérsitétlardimu bu xil yéngiliqlarning körülishi mumkinliki qeyt qilindi. bu qedemning seudi erebistandiki ayallarning xizmet hayatigha yol achidighanliqi bildürülmekte. 

bu qarargha öz nöwitide yene, seudi erebistanning xizmet saheside téximu köp ayallarning orun élishini öz ichige alghan  2030 – yilliq nishanini ishqa ashurush yolida tashlighan muhim qedem, depmu baha bérilmekte.  

seudi erebistanda qiz - oghullar oquydighan uniwérsitétlarda fakultét mudirliqi yaki téximu yuqiri wezipilerde buningdin ilgiri ayallar orun élip baqmighan idi.

seudi erebistan hökümitining 2030 – yilliq nishanliri, xizmet saheside téximu köp ayallarning orun élishini öz ichige alidighan bolup, bu dairide ötken hepte seudi erebistan tarixida tunji qétim bir ayal xususiy bir bankining mudirliq wezipisige teyinlengen idi.