D witamin zukam we yötelge oxshash késelliklerni %50 giche azaytalaydu
engliye tetqiqatchiliri D witaminning zukam we yötelge oxshash késelliklerni %50 giche azaytishta muhim rol oynaydighanliqini ilgiri sürdi.
türkiye awazi radiyosi xewiri: engliye tetqiqatchiliri D witaminning burun tartish, zukam we yötelge giriptar bolush xetirini %50 giche azaytalaydighanliqini ilgiri sürdi.
engliyede D witaminni bolkilargha qoshuwétish talash-tartish qiliniwatqan bir peytte, sehiye ministirliqining rasxotlirining mueyyen derijide azaytilidighanliqi bildürülmekte.
D witamin quyash nuri we bezi haywanlarning göshliride bar. söngekning tereqqiyatida muhim rol oynaydighan D witamin kem bolsa yürek késellikidin rakkiche, diabettin qériliq késelligiche bolup nurghun késellikke giriptar bolush xetiri ashidu.
engliye tetqiqatchiliri teripidin 14 dölette 11ming kishi üstide élip bérilghan tetqiqatta, D witamin kem bolghan kishilerde we bolmighanlarda nepes yétishmeslik késellikige giriptar bolush nisbetliri tekshürüldi.
engliyediki midétsina zhurnili BMJ dimu élan qilinghan tetqiqat netijilirige munasiwetlik maqalide, D witamin kem bolghanliqini üchün D witamin toluqlighanlarning bu késelliklerge giriptar bolush nisbiti %50 azayidighanliqi, D witamin normal ölchemlerge yéqin bolghanlarda bolsa, nepes yoli késellikige giriptar bolush xetiri %10 aziyidighanliqi bildürüldi.
bezi mutexesisler D witamin toluqlashni zukam waksinisige qarighanda téximu paydiliq bolidighanliqini ilgiri sürmekte.
dunyada her yili öpke yallughigha oxshash nepes yoli yallughi késellikliri sewebidin 2 yérim milyon kishi hayatidin ayrilmaqta.
