putin: tramp bilen silowéniyede körüshüshüm mumkin
rusiye pirézidénti putin amérika pirézidénti tramp bilen silowéniyening paytexti liyublyanada körüshüsh éhtimalining barliqini éytti.
türkiye awazi radiyosi xewiri: putin moskwada silowéniye pirézidénti borut pahor bilen körüshkendin kéyin ötküzülgen qoshma axbarat élan qilish yighinida qilghan sözide, rusiye – amérika munasiwetlirining yéqinqi 5 yilda buzulghanliqini, shunga diplomatik munasiwetlerni her ikki dölet xelqlirige paydiliq shekilde eslige keltürüsh lazimliqini éytti.
amérika pirézidénti tramp wezipe ötigen mezgilde ikki dölet munasiwetlirining eslige kélishini ümid qilidighanliqlirini eskertken putin, biraq buning moskwagha emes, washingtongha baghliq ikenlikini tekitlidi.
putin tramp bilen silowéniyede körüshüshni xalap xalimaydighanliqigha alaqidar bir soalgha jawab bergende, «men tramp bilen silowéniyening paytexti liyublyanada körüshüshke qarshi emesmen. derweqe, ilgiri u yerde köpligen rehberler bilen körüshtüm. biraq bu bizge emes, nurghun shertlerge baghliq» dédi.