پاكىستان يادرو ئوق بېشى ئېلىپ يۈرەلەيدىغان باشقۇرۇلىدىغان بومبىسىنى سۇ ئاستىدىن قويۇپ بەردى
پاكىستان تۇنجى قېتىم سۇ ئاستىدىن قويۇپ بېرىلىدىغان باشقۇرۇلىدىغان بومبىسىنى غەلىبىلىك سىناق قىلدى.
648189
تۈركىيە ئاۋازى رادىيوسى خەۋىرى: پاكىستان ئارمىيەسى بايانات بېرىپ، يادرو ئوق بېشى توشۇش ئىقتىدارىغا ئىگە 450 كىلومېتىر مۇساپىگە يېتىپ بارالايدىغان «بابۇر-3» ناملىق باشقۇرۇلىدىغان بومبىنىڭ ھىندى ئوكياندىكى ئورنى تىلغا ئېلىنمىغان بىر سۇ ئاستى پاراخوتىدىن ئۇتۇقلۇق قويۇپ بېرىلگەنلىكىنى ئۇقتۇردى.
باياناتتا، مەزكۇر باشقۇرۇلىدىغان بومبىنىڭ پاكىستان يالتايدۇرغۇچى كۈچىگە ھەسسە قوشىدىغانلىقى قەيت قىلىندى.
«بابۇر-3» ناملىق باشقۇرۇلىدىغان بومبا دېڭىزدىن؛ ئۆتكەن ئاي سىناق قىلىنغان «بابۇر-2» بولسا، قۇرۇقلۇقتىن قويۇپ بېرىش ئالاھىدىلىكىگە ئىگە.
