qara déngizgha chüshüp ketken rusiye ayropilanining gewde parchiliri tépildi
rusiye dölet mudapie ministirliqining bayanatchisi igor konashénkow moskwada ötküzülgen muxbirlarni kütüwélish yighinida qara déngizgha chüshüp ketken ayropilan heqqide melumat berdi.
türkiye awazi radiyosi xewiri: rusiye dölet mudapie ministirliqining bayanatchisi igor konashénkow yekshenbe (25-dékabir) küni chüshüp ketken ayropilanning gewde parchilirining bayqilip, sü yüzige chiqirilghanliqini élan qildi. u déngizning astida ayropilanning quyruq qismi bilen motorigha ait ikenliki texmin qilinghan parchilarni ghewwaslarning tekshürgenlikini bildürdi.
rusiye dölet mudapie ministirliqi ashkarilighan melumatlargha asaslanghanda, 24 saet dawamlishiwatqan izdesh-qutquzush xizmetlirige 45 paraxot, 15 su astini tekshürüsh üskünisi, 192 ghewwas, 12 ayropilan we besh tik uchar qatnashqan.
tas agéntliqining xewiride körsitilishiche, chüshüp ketken ayropilanning uchquchisi roman wolkowning jesitining su yüzige chiqirilghanliqi we tépilghan ayropilan parchilirini tekshürgende uchquchilarning ayropilanni déngizgha chüshürüshke tirishqan bolush mumkinliki ilgiri sürülgen.
25-dékabir rusiyening qizil armiye xor ömikining ezalirini öz ichige alghan 92 adem olturghan herbiy ayropilani, süriyening lazqiyediki rusiye bazisigha bérish üchün kökke kötürülüp, aridin uzaq ötmey qara déngizgha chüshüp ketken idi. weqede, ayropilandiki hemme yoluchi hayatidin ayrildi we rusiyede bir künlük matem élan qilindi.
مۇناسىۋەتلىك خەۋەرلەر
