amérika, bash elchi karlow suyiqestige alaqidar dewalargha jawab qayturdi

türkiye awazi radiyosi xewiri: amérika qoshma ishtatliri, «rusiyening enqerede turushluq bash elchisi andréy karlow uchrighan suyiqestning perde arqisida döliti yaki dölitide turghuzuluwatqan fethullahchi térrorluq teshkilatining kattibéshi fethullah gülenning barliqi» heqqidiki dewalargha jawab qayturdi.

amérika qoshma ishtatliri tashqi ishlar ministirliqi bayanatchisi jon kirbéy, karlow suyiqesti heqqide metbuatqa bayanat berdi؛ bir muxbirning «dölitinglarning yaki dölitinglar himaye qilip kéliwatqan gülenning bir shekilde suyiqestning bir parchisi ikenliki toghrisidiki dewalar silerni endishige saldimu? siler buninggha teyyarmu?» dégen soaligha naraziliq bildürgen kirbéy, «tekshürüsh axirlashmay turup aldinala qilinidighan bir muhakimining héchkimge paydisi bolmaydu» dédi.

amérikining türkiyediki hökümetni her daim qollap kelgenlikini tekitligen kirbéy, dölitining bu xil suyiqest weqeliri bilen alaqisining bolush éhtimali heqqidiki dewalarni ret qildi.

yene bir tereptin kirbéy, karlowgha qilinghan hujumning bir «térrorluq hujumi» bolush éhtimalini nezerdin saqit qilmighanliqlirini, tekshürüshning axirlishishni kütidighanliqlirini sözlirige ilawe qildi.