amérika: türk xelqi yaki emeldarlirining néme oylawatqanliqini bilmeymiz

türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi jon kirbay, türk xelqide shekillengen «(15- iyul) herbiy – siyasiy özgirish qozghashqa urunush herikitining arqisida dölitining barliqigha dair» qarashlar toghrisida toxtilip, «türkiye xelqi yaki emeldarlirining néme oylawatqanliqini bilmeymen» dédi.

bayanatchi kirbay, «herbiy – siyasiy özgirish qozghashqa urunush herikitining arqisidiki fethullahchi térrorluq teshkilatining kattibéshi fethullah gülenning amérika qoshma ishtatlirida bolushi türkiyede amérikigha qarshi xahishning küchiyishke bashlishigha seweb bolghan bolushi mumkinmu?» dégen soalgha, buning «sewebini bilmeydighanliqi» heqqidiki qarishini tekrarlidi.

herbiy – siyasiy özgirish qozghashqa urunush herikiti bilen dölitining alaqisining yoqluqini yene bir qétim tekrarlighan kirbay, «amérika dairiliri bolush süpitimiz bilen türkiyeni we türkiyediki démokratik yollar bilen saylanghan hökümetni qolliduq, qollashni dawamlashturimiz» dédi.

kirbay «pénsilwaniyede yashawatqan fethullah gülenning amérikidin qéchish mumkinchilikining barliqi we bu nuqtida her qandaq bir xewpsizlik tedbirining yolgha qoyulup qoyulmighanliqi» toghrisidiki soalgha jawaben, bu mesilige amérika edliye ministirliqining qaraydighanliqini isharet qildi.

muxbirlarni kütüwélish yighinidin kéyin bayanatchi kirbaygha, fethullahchi térrorluq teshkilatining 15 – iyuldiki herbiy – siyasiy özgirish qozghashqa urunush herikitining yilnamisi we uningdin kéyinki naraziliqlar eks ettürülgen «minutmu minut fethullahchi térrorluq teshkilatining herbiy – siyasiy özgirish qozghashqa urunush herikiti» namliq kitab hediye qilindi.