«türkiyening herbiy isyanchilarni siyasiy we qanuniy jehettin tekshürüshi qanunluq»
gérmaniye tashqi ishlar ministiri firank waltér sitéynmiyér türkiyening 241 – kishining jénigha zamin bolghan herbiy isyanchilarni siyasiy we qanuniy jehettin tekshürüshining qanunluq ikenlikini éytti.
türkiye awazi radiyosi xewiri: sitéynmiyér tünügün yawropa kéngishi parlamént ezaliri mejliside qilghan sözide, 15 – iyul herbiy isyan urunushining özlirini tolimu heyran qaldurghanliqini eskertip mundaq dédi: «herbiy isyan qisqa waqit ichide axirlashqan bolsimu, emma bu türkiyediki dölet organliri nishan qilinghan nahayiti chong hujum idi. hayatidin ayrilghanlarning aile tawabiatliri we yéqin – yoruqlirigha teziye bildürimiz. ular bilen birlikte matem tutuwatimiz. türkiye xelqi mislisiz qehrimanliq körsitip, démokratiyege sahib chiqti. shunga jesur türkiye xelqige chongqur hörmet qilimiz. türkiyening herbiy isyanchilarni siyasiy we qanuniy jehettin tekshürüshi we jazalandurushi qanunluq bolup, étiraz bildürüshke héchkimning heqqi yoq. parlamént binasi qatarliq simwol xaraktérlik dölet orunliri bombilanghan, 241 kishi shéhit bolghan we köp sanda kishi yarilanghan mushundaq jiddiy bir weqedin kéyin pewquladde küntertipke qaytish mumkin emes.»
