londonda «erkinlik paraxotliri» ni qollap paaliyet ötküzüldi

türkiye awazi radiyosi xewiri: pelestinning bezi ijtimaiy küchler bashqurushidiki organliri bilen engliyelik paaliyetchiler, ijarige alghan bir kémige olturup, téyms deryasida ‹erkinlik paraxotliri› ni qollap paaliyet ötküzdi.

paaliyetchiler «sükünatni buz, muhasirini bösüp öt», «erkin ghezze» dégendek shoarlar bilen erkinlik paraxotlirigha qétilghan kémiler- zeytone we emelning namliq yézilghan plakatlarni kötürdi.

paaliyetchiler peqet pelestin bayriqila kötürülgen paaliyet dairiside kéme bilen engliye parlamént binasining aldidin ötti. bezi ayal paaliyetchilerning paaliyetlerge perzentliri bilen ishtirak qilghanliqi körüldi.

ghezzege yürgüzülüwatqan muhasirini bösüp ötüsh meqsitide teshkil qilinghan erkinlik paraxotliri birleshmisining ayallardin teshkil tapqan 4- paraxotida türkiyedin mawi marmara shéhiti chetin topchuoghluning repiqisi chigdem topchuoghlu qatarliq 14 millettin 15 ayal bar.

paraxotlar etritining öktebir éyining birinchi heptisi ghezzege yétip bérishi kütülmekte.