فىرانسىيە دائېشقا زەربە بېرىش ئۈچۈن ئىراققا قورال ياردەم قىلىدۇ

تۈركىيە ئاۋازى رادىيوسى خەۋىرى: فىرانسىيە پىرېزىدېنتى فىرانسۇا ئولاند ئىراق كۈرت رايونلۇق ھۆكۈمەت باشلىقى مەسۇد بارزانىي بىلەن پارىژدىكى ئەلىزە سارىيىدا كۆرۈشتى.

كۆرۈشۈشتە تېررورلۇق تەشكىلاتى دائېشقا قارشى كۈرەش ۋە ئىراققا قورال ياردەم قىلىش مەسىلىلىرى مۇزاكىرە قىلىندى.

ئولاند ئۆتكەن ھەپتە دائېشقا قارشى كۈرەشتە ئىراققا ئېغىر تىپلىق قورال ياردەم قوراللار ياردەم قىلىدىغانلىقلىرىنى جاكارلىغانىدى.

فىرانسىيە مۇداپىئە مىنىستىرى جان ئى لۆ دىرىيان فىرانسىيە قىسىملىرىنىڭ ئىراق ئارمىيەسىگە تاپشۇرۇپ بېرىلىدىغان توپچى باتارىيەلەرنى ئورۇنلاشتۇرۇپ بولغانلىقلىرىنى ئۇقتۇردى.