شىمالىي كورېيە ئامېرىكىغا تەھدىت سالدى
شىمالىي كورېيە ئامېرىكا قوشما ئىشتاتلىرىنىڭ يادرو ھۇجۇمى قوزغاش ئىقتىدارىغا ئىگە ئايروپىلانلىرىنى تىنچ ئوكيانغا ئورۇنلاشتۇرۇشىغا قارىتا شەپقەتسىزلەرچە جاۋاپ قايتۇرىدىغانلىقىنى ئېيتىپ تەھدىت سالدى.
تۈركىيە ئاۋازى رادىيوسى خەۋىرى: شىمالىي كورېيەنىڭ رەسمىي خەۋەر ئاگېنتلىقى KCNA نىڭ بۇ ھەقتىكى خەۋىرىدە، «ئالدىنى ئېلىش خاراكتېرلىك بىر يادرو ھۇجۇمىنى قوزغاشنىڭ ئامېرىكىنىڭ ئىلكىدە ئەمەسلىكى» تەكىتلەندى.
ئامېرىكا ئىستراتېگىيەلىك ھاۋا ئارمىيە قوماندانلىقى، مۇشۇ ھەپتىنىڭ بېشىدا 3 دانە B – 2 تىپلىق بومباردىمانچى ئايروپىلاننى گۇام ئاندېرسېن ھاۋا ئارمىيە قوماندانلىقىغا ئورۇنلاشتۇرغانىدى.
شىمالىي كورېيەنىڭ 22 – ئاۋغۇستتا باشلىنىدىغان ئۇلچى – ئەركىنلىك قاراۋۇلى ناملىق جەنۇبىي كورېيە – ئامېرىكا قوشما ھەربىي مانىۋېرىدىن بىئاراملىق ھېس قىلغانلىقى قەيت قىلىنماقتا. چۈنكى، شىمالىي كورېيە مەزكۇر مانىۋېرغا ‹ھۇجۇم تەييارلىقى› دەپ باھا بەرمەكتە.
ئامېرىكا پىرېزىدېنتى باراك ئوباما 17 – مايدا يادرو قوراللىنى سىناق قىلغانلىقى ئۈچۈن شىمالىي كورېيەگە يېڭى ئېمبارگولارنى يۈرگۈزۈشنى مەزمۇن قىلغان قارارنامىنى ئىمزالىغانىدى.
ب د ت خەۋپسىزلىك كۈچلىرىمۇ شىمالىي كورېيەنىڭ 27-، 28- ئاپرېل ۋە 31 – مايدىكى ئۇتۇقسىز ئاخىرلاشقان بالىستىك باشقۇرۇلىدىغان بومبا سىنىقىنى ئەيىبلەپ، بۇ دۆلەتكە يۈرگۈزۈلۈۋاتقان ئېمبارگولارنىڭ سالمىقىنى ئاشۇرۇش مۇمكىنچىلىكىنىڭ بارلىقى توغرىسىدا ئاگاھلاندۇرغانىدى.
مۇناسىۋەتلىك خەۋەرلەر
لىۋان ھىزبۇللاھى: ئىسىرائىلىيە پۇشايمان قىلىدۇ
لىۋان ھىزبۇللاھى ئىسىرائىلىيە ھۇجۇم قىلسا «پۇشايمان» قىلىدىغانلىقى توغرىسىدا ئاگاھلاندۇردى.