نۇرغۇنلىغان دۆلەتلەردە تۈركىيە ھۆكۈمىتىنى قوللاپ نامايىش ئۆتكۈزۈلمەكتە

تۈركىيە ئاۋازى رادىيوسى خەۋىرى: ھەربىي ئۆزگىرىش بىلەن تۈركىيە ھۆكۈمىتىنى ئاغدۇرماقچى بولغانلارغا قارشى دۇنيانىڭ ھەممىلا يېرىدە نارازىلىقلار داۋالاشماقتا.

نۇرغۇنلىغان دۆلەتلەردە تۈركىيەدىكى ھەربىي سىياسىي ئۆزگىرىش قوزغاش ئۇرۇنىشىغا نارازىلىق بىلدۈرۈش ۋە دېموكراتىيەنى قوللاش ئۈچۈن نامايىشلار ئۆتكۈزۈلمەكتە.

گېرمانىيەدە فىرانكفورتتىكى باش ئەلچىخانىنىڭ ئالدىغا توپلاشقان يۈزلىگەن تۈركىيە مەستانىلىرى قوللىرىدا تۈركىيە بايراقلىرىنى كۆتۈرۈشكەن ھالدا تۈركىيەنى ھۆكۈمىتىنى قوللاپ نامايىش يۈرىشى ئېلىپ باردى.

نامايىشچىلار «خەلق مانا بۇيەردە. ھەربىي ئۆزگىرىش قىلماقچى بولغانلار قەيەردە؟» دەپ شوئارلارنى توۋلىدى.

ماكېدونىيەدىمۇ فەتھۇللاھچى تېررورلۇق تەشكىلاتى «FETÖ»نىڭ ھەربىي سىياسىي ئۆزگىرىش قوزغاش ئۇرۇنىشىغا نارازىلىق بىلدۈرۈلدى.

فەتھۇللاھچى تېررورلۇق تەشكىلاتى «FETÖ» بىلەن چېتىشلىقى بولغان بىر خۇسۇسىي مەكتەپنىڭ ئوقۇش پۈتتۈرگەن ئوقۇغچىلىرى مەكتەپ ئالدىغا توپلىشىپ، دىپلومىلىرىنى يىرتىپ تاشلاش ئارقىلىق فەتھۇللاھچى تېررورلۇق تەشكىلاتى «FETÖ»غا قارشى نامايىش ئۆتكۈزدى.

ئوقۇغۇچىلار گۇرۇپپىسى ئائىلىلەرگە پەرزەنتلىرىنى فەتھۇللاھچى تېررورلۇق تەشكىلاتى «FETÖ» بىلەن چېتىشلىقى بولغان مەكتەپلەرگە بەرمەسلىك ھەققىدە ئالاھىدە چاقىرىقتا بولدى.

بوسنىيە – گىرېتسىگوۋېنانىڭ پايتەختى سارايىبوسنادىمۇ تۈركىيەنى قوللاپ - قۇۋۋەتلەش يىغىلىشى ئۆتكۈزۈلدى.