gérmaniye parlaméntiki ermeni qararnamisini ret qilghan parlamént ezasi

türkiye awazi radiyosi xewiri: gérmaniye bash ministiri angéla mérkél rehberlikidiki xiristiyan démokratlar birliki partiyesining ezasi bétina kudla mezkur qararnamini parlamént bashliqi norbét lammétning uda ikki qétim sorighan bolushigha qarimay dadilliq bilen ret qilip mundaq dédi: «bashqa döletlerde yüz bergen tarixiy welerge baha bérish gérmaniye parlaméntining wezipisi emes. bu qararname türkiye – gérmaniye munasiwetlirige selbiy tesir körsitidu, bolupmu türkiye bilen yawropa ittipaqi otturisidiki köchmenlerni qayta qobul qilish kélishimini qiyin ötkelge duchar qilidu. jümlidin tarixiy weqelerge baha bérish méning wezipemmu emes, bu türkiye hökümiti bilen erméniye hökümitige munasiwetlik ish.» kudla qararname awazgha qoyulghandin kéyin mundaq dédi: «manga bundaq qattiq inkas qayturulidighanliqini oylapmu baqmaptikenmen. xiristiyan démokratlar birliki partiyesining parlaménttiki guruppisining tenqidliridin bashqa yene, öz partiyemdikilermu manga naraziliq bildürdi. emma bolupmu ammiwi taratqularda türkiye we gérmaniyediki nurghunlighan shexsler méni adettin tashqiri derijide qollap quwwetlidi. gérmaniye parlaménti eslide bundaq qararnamini awazgha qoyushning ornigha nöwette yawropa duch kéliwatqan köchmenler kirizisini hel qilishqa tirishishi kérek idi.» bu ariliqta, kudla istanbul wilayetlik beykoz nahiyesining puqrasi boldi. beykoz nahiye mejlisi birdek awaz bilen qarar maqullap, gérmaniye parlaméntidiki 630 parlamént ezasi ichide atalmish ermeni qirghinchiliqi qararnamisini ret qilghan xiristiyan démokratlar birliki partiyesining birdin - bir parlamént ezasi kudlaning beykozning pexriy puqraliqini testiqlidi.