ناتو: رۇسىيە سۈرىيەدە دائېشتىنمۇ كۆرە ئۆكتىچىلەرگە ھۇجۇم قىلىۋاتىدۇ

تۈركىيە ئاۋازى رادىيوسى خەۋىرى: شىمالىي ئاتلانتىك ئەھدى تەشكىلاتىغا ئەزا دۆلەتلەرنىڭ باش ئىشتاب باشلىقلىرى بىريۇسسېلدا چاقىرىلغان ھەربىي ئىشلار كومىتېتى يىغىنىدا بىر يەرگە جەم بولدى.

تۈركىيە باش ئىشتاب باشلىقى ھۇلۇسى ئاقارمۇ ئىشتىراك قىلغان يىغىندا، قارار چىقىرىش مېخانىزمىنىڭ سۈرئىتىنى تېزلەشتۈرۈش مەسىلىسىدە بىردەكلىك ھاسىل قىلىندى.

شىمالىي ئاتلانتىك ئەھدى تەشكىلاتى ياۋروپا ئىتتىپاقداش ئارمىيەلەر باش قوماندانى ئامېرىكىلىق گېنېرال فىلىپ برېدلېۋ: «كۈچىمىزنى داۋاملىق قىيىن ئۆتكەللەردىن تېخىمۇ ئوڭۇشلۇق ھالدا ئۆتەلەيدىغان شارائىت يارىتىش ئۈچۈن ئىشلىتىمىز» دېدى.

شىمالىي ئاتلانتىك ئەھدى تەشكىلاتى ھەربىي ئىشلار كومىتېتىنىڭ باشلىقى پېتىر پاۋېل، رۇسىيەنىڭ سۈرىيەدە تېررورلۇق تەشكىلاتى دائېشتىنمۇ كۆرە ئۆكتىچى كۈچلەرگە ھۇجۇم قىلىۋاتقانلىقىنى ئېيتتى.