خەۋپسىزلىك كېڭىشى سۈرىيەنى ئەيىبلىدى

تۈركىيە ئاۋازى رادىيوسى خەۋىرى: بىرلەشكەن دۆلەتلەر تەشكىلاتى خەۋپسىزلىك كېڭىشىدە قوبۇل قىلىنغان باياننامىدە، يېقىندىن بۇيان ھەلەب ۋىلايىتىدە ۋارىل بومبىسى ئارقىلىق ئېلىپ بېرىلىۋاتقان ھۇجۇملارنىڭ بارغانسېرى ئەۋج ئېلىپ كېتىۋاتقانلىقى تەكىتلىنىش بىلەن بىر ۋاقىتتا، پۇقرالار نىشان قىلىنىۋاتقان بارلىق ھۇجۇملار ئەيىبلەندى.
باياننامىدە ۋارىل بومبىسى ھۇجۇملىرىدا نۇرغۇنلىغان نارىسىدە بالىلار بىلەن ئاياللارنىڭ ھاياتىدىن ئايرىلغانلىقى ئەسكەرتىلدى ھەمدە بارلىق تەرەپلەرنىڭ قانداق بولۇشىدىن قەتئىي نەزەر خەلقئارا قانۇنغا رىئايە قىلىشى مۇراجىئەت قىلىندى.
پۇقرالارنى قوغداش ۋەزىپىسىنىڭ ئالدى بىلەن سۈرىيە ھۆكۈمىتىنىڭ زىممىسىگە يۈكلەنگەنلىكى ئەسكەرتىلگەن باياننامىدە، ئى ش ئى د، ئەن نۇسرە ئالدىنقى سېپى ۋە باشقا گۇرۇپپىلارنىڭ تېررورلۇق ھۇجۇملىرى ئەيىبلەندى.