خىتايدا قاتتىق يامغۇر ۋە بوران - چاپقۇن ئاپەتلىرى يۈز بەردى

تۈركىيە ئاۋازى رادىيوسى خەۋىرى: ئۆيلەرنىڭ ئۆگزىلىرىنى ئۇچۇرتۇپ كەتكەن بوران - چاپقۇن دەل – دەرەخلەرنىمۇ قومۇرۇپ تاشلىدى.
ئۇدا بىرقانچە سائەت ئۈزلۈكسىز ياغقان يامغۇر نەتىجىسىدە شەھەر مەركەزلىرىدىكى يوللار كۆلگە ئايلىنىپ كەتتى، بىر قىسىم ئايروپىلان سەپەرلىرى بىكار قىلىندى.
يېزا – قىشلاقلارمۇ يامغۇر ۋە بوران - چاپقۇن ئاپەتلىرىنىڭ ئېغىر زەربىسىگە ئۇچرىدى.
ئالاقىدار تارماقلارنىڭ بىلدۈرۈشىچە، يامغۇر ۋە بوران - چاپقۇن ئاپەتلىرى ھەممە ياققا تەھدىت سېلىۋاتقان رايونلاردا ئادەم ئۆلۈش ۋە يارىلىنىش ئەھۋالى كۆرۈلمىگەن.