مۇرسى قاتارغا جاسۇسلۇق قىلىش بىلەن ئەيىبلەنمەكتە

تۈركىيە ئاۋازى رادىيوسى خەۋىرى: مىسىر دائىرىلىرى، ھەربىي – سىياسىي ئۆزگىرىش نەتىجىسىدە ۋەزىپىسىدىن ئاغدۇرۇپ تاشلانغان پىرېزىدېنت مۇھەممەد مۇرسىنى «قاتار دۆلىتىنىڭ مەنپەئەتى ئۈچۈن جاسۇسلۇق قىلىش» بىلەن ئەيىبلەپ سوتلاشنى داۋاملاشتۇرماقتا.

مۇرسى قاھىرە جىنايى ئىشلار سوت مەھكىمىسىدە ئېچىلغان ئالدىنقى قېتىملىق سوتىدا ئۆزىگە قارىتىلغان ئەيىبلەشلەرگە نارازىلىق بىلدۈرۈپ، ‹ئەيىبلەشلەر سەپسەتىدىن باشقا نەرسە ئەمەس» دېگەنىدى.

باش تەپتىشنىڭ ئەيىبنامىسىدە، مۇرسى دۆلەت بىخەتەرلىكىگە دائىر ئۇچۇرلارنى قاتار دۆلەت بىخەتەرلىك تارماقلىرىغا 1 مىليون دوللارغا سېتىش بىلەن ئەيىبلەنمەكتە.