سۈرىيە ئامېرىكىنىڭ بىر ئايروپىلانىنى چۈشۈرۈۋەتتى

تۈركىيە ئاۋازى رادىيوسى خەۋىرى: سۈرىيە سانا ئاگېنتلىقىنىڭ بىر خەۋىرىگە ئاساسلانغاندا، ئامېرىكىنىڭ رازۋېتكا ئايروپىلانى لازقىيەنىڭ شىمالىغا جايلاشقان بىن ھادى رايونىدا سۈرىيە ئارمىيەسى تەرىپىدىن ئېتىپ چۈشۈرۈلگەن.
ئامېرىكا دۆلەت مۇداپىئە مىنىستىرلىقىدىكى بىر مەسئۇل ئەمەلدار، سۈرىيەنىڭ غەربىي شىمالىدا ئۇچقۇچىسىز ئايروپىلان بىلەن بولغان ئالاقىنىڭ ئۈزۈلۈپ قالغانلىقىنى توغرىلىدى، ئەمما ئايروپىلاننىڭ ئېتىپ چۈشۈرۈلگەنلىكىنىڭ ھازىرچە ئېنىق ئەمەسلىكىنى ئەسكەرتتى.