ئالجىرىيەدە ھۆكۈمەتكە قارشى نامايىش ئۆتكۈزۈلدى

تۈركىيە ئاۋازى رادىيوسى خەۋىرى: ئالجىرىيەنىڭ جەنۇبىدىكى تۇگۇرت شەھىرىدە ھۆكۈمەتكە قارشى نامايىش ئۆتكۈزۈلدى.
نامايىشچىلار بىلەن ساقچىلار ئوتتۇرىسدا تۇقۇنۇش يۈز بەردى. تۇقۇنۇشتا 2 كىشى ئۆلۈپ 20 كىشى يارىدار بولدى.
تۇگۇرت شەھىرى خەلقى ھۆكۈمەتنىڭ رايونغا قاراتقان لايىھەلىرىنىڭ كېچىكىپ كەتكەنلىكىگە نارازىلىق بىلدۈردى.
نامايىشقا ئاساسەن ياشلار كۆپ قاتناشتى. ساقچىلارنىڭ مۇداخىلە قىلىشقا ئۇرۇنىشى بىلەن تەڭ تۇقۇنۇش يۈز بەردى.
تۇقۇنۇشتا 2 نەپەر نامايىشچى ياشنىڭ ھاياتىدىن ئايرىلغانلىقى بىلدۈرۈلمەكتە.