ئەنگلىيە ئەلچىخانىسىنىڭ ئاپتوموبىلى ھۇجۇمغا ئۇچرىدى
ئافغانىستان پايتەختى كابۇلدا ئەنگلىيە ئەلچىخانىسىنىڭ ئاپتوموبىلىغا، موتوسىكلىتقا ئورۇنلاشتۇرۇلغان بومبا بىلەن ھۇجۇم قىلىندى.
تۈركىيە ئاۋازى رادىيوسى خەۋىرى: ئافغانىستان پايتەختى كابۇلدا ئەنگلىيە ئەلچىخانىسىنىڭ ئاپتوموبىلىغا بومبا ھۇجۇمى قىلىندى. ھۇجۇمدا ئۈچ ئادەم ھاياتىدىن ئايرىلدى، 30 ئادەم يارىلاندى. ھۇجۇم موتوسىكلىتقا ئورۇنلاشتۇرۇلغان بومبىنى پارتلىتىش ئارقىلىق ئېلىپ بېرىلغان بولۇپ، ھاياتىدىن ئايرىلغانلار ئىچىدە ئەنگلىيەلىك دىپلوماتىيە خادىملىرىنىڭ يوقلۇقى بىلدۈرۈلدى.
دائىرىلەر، ھاياتىدىن ئايرىلغانلارنىڭ ئەلچىخانىدا خىزمەت قىلىدىغان ئافغانىستان پۇقرالىرى ئىكەنلىكىنى ئېلان قىلدى. كابۇلدىكى دوختۇرخانىنىڭ مەسئۇللىرى بولسا، بەش ئادەمنىڭ ھاياتىدىن ئايرىلغانلىقىنى ئىلگىرى سۈرمەكتە.
تالىبان بۇ ھۇجۇمغا جاۋابكار ئىكەنلىكىنى جاكارلىدى.
مۇناسىۋەتلىك خەۋەرلەر
![لىۋان ھىزبۇللاھى: ئىسىرائىلىيە پۇشايمان قىلىدۇ](http://cdn.trt.net.tr/images/medium/rectangle/3cc3/db28/e5e7/571459f87d3d8.jpg?time=1719189222)
لىۋان ھىزبۇللاھى: ئىسىرائىلىيە پۇشايمان قىلىدۇ
لىۋان ھىزبۇللاھى ئىسىرائىلىيە ھۇجۇم قىلسا «پۇشايمان» قىلىدىغانلىقى توغرىسىدا ئاگاھلاندۇردى.