25.08.2021

türkiye awazi radiyosi: ereb we ingiliz tillirida chiqidighan «‹elqudsul erebi› géziti», «iyordan deryasining gherbiy qirghiqining shimaliy qismida israiliye eskerliri teripidin öltürülgen 15 yashliq pelestinlik yash depne qilindi.» serlewhilik xewirini oqurmenlirining diqqitige sundi.

qatarda chiqidighan «‹errayel qeteriyye› géziti», qatarning, qapsilip qalghan kishilerni afghanistandin tarqaqlashturush üchün muhim ötüsh éghizi hésablinidighanliqini yazdi.

gérmaniyening «‹ tagésshaw.dé› tori» (tagesschau.de), munu uchurlargha orun ajratti:

gérmaniye ishqa orunlashturush idarisining bashliqi détléf shélé, gérmaniyening yiligha 400 ming köchmenge éhtiyajliq ikenlikini eskertish bilen bir waqitta, hökümetni téximu köp köchmenni qobul qilishqa chaqirip mundaq dédi: «gérmaniyening emgek küchi tügewatidu.»

gérmaniyening «‹Welt.de› xewerler tori», « gérmaniye bash ministiri angéla mérkél, 7 – g guruhi bashliqlar yighinida, <biz kabuldiki qapsilip qalghanlarni tarqaqlashturushni amérika qoshma ishtatlirisiz dawamlashturimiz> dédi.» serlewhilik xewirini oqurmenliri bilen ortaqlashti.

gérmaniyening «‹Deutsche Welle› xewerler tori», talibanning afghanlarning dölettin ayrilishigha yol qoymaydighanliqini uqturghanliqini xewer qildi.

firansiyede chiqidighan «‹lé parisiyin› géziti» (Le Parisien), munu uchurlargha orun ajratti:

yéngi bir tetqiqat netijisige qarighanda, pfizér we modérna waksinilirining délta wariyantigha qarshi turush ünümi% 66 ke chüshüp qalghan.

firansiyede chiqidighan «‹lé figaro› géziti» (Le Figaro), «dunya bankisi afghanistangha qarita iqtisadiy yardemni toxtatti؛ banka ayallarning ehwalidin endishe qilmaqta» serlewhilik xewirini oqurmenlirining diqqitige sundi.

firansiyede chiqidighan «‹lé mondé›  géziti» (Le Monde), firansiyening martinik arilida, «kowid – 19» yuqumigha qarshi küresh dairisidiki toluq taqilish tedbirlirining mudditining yene 3 hepte uzartilghanliqini yazdi.

ispaniyede chiqidighan «‹la wanguardiya› géziti» (La Vanguardia), amérika qoshma ishtatliri pirézidénti jo baydinning, tenqidlerge qarimay, 31 – awghustta kabuldin chékinishni tamamlash pikride ching turuwatqanliqini xewer qildi.

argéntinada chiqidighan «‹infobiye› géziti» (Infobae), urugway xelqining % 70 tige ikki shéshe waksina emlinip bolghanliqini oqurmenliri bilen ortaqlashti.

rusiyening «‹gazete.ru› tori» (Gazeta.ru), «talibanning qatardiki ishxanisining wekili, talibanning rusiye we xitay bilen bolghan munasiwetlirining yaxshi ikenlikini éytti» serlewhilik xewirini oqurmenlirining diqqitige sundi.

rusiyening «‹régnum› agéntliqi», munu uchurlargha orun ajratti:

rusiyening 2021-yilining aldinqi 6 éyidiki dölet qerzi 20 tirilyon 400 milyard rublégha yetti (bu ichki ishlepchiqirish omumiy qimmitining% 17.7 tini teshkil qilidu).

rusiyening «‹tass› agéntliqi» (TASS),  töwendiki uchurlarni oqurmenlirining diqqitige sundi:

 rusiye tashqi ishlar ministirliqi, rusiye pirézidénti wiladimir putinning yolyoruqigha asasen, rusiye, ukraina we kolliktip bixeterlik shertnamisi teshkilatigha eza döletlerning  500 din artuq puqrasini afghanistandin tarqaqlashturidu.