10.08.2021

qatarda chiqidighan «‹errayel qeteriyye› géziti», türkiyediki orman ot apitining köp qismining öchürülgenlikini xewer qildi.

omanda chiqidighan «‹elweten› géziti», xitayning kowid-19 cheklimisi sewebidin xam néfit bahasining töwenligenlikini xewer qildi.

iraqta chiqidighan «‹ezzaman› géziti», birleshken döletler teshkilatining kélimat özgirishige dair eng xeterlik doklati «dunya gherq boluwatidu» ni élan qildi.

ispaniyede chiqidighan «‹la wangardiya› géziti», ispaniyediki %60 ahalining kowid -19 waksinisining ikkinchi miqdari bilen emlinip bolghanliqini xewer qildi.

ispaniyede chiqidighan «‹él mundo› géziti», barsélona komandisining méssidin waz kechkendin kéyin chöchüp ketken turughluq hazirmu töt top mahirining imzasini saqlawatqanliqini xewer qildi.

argéntinada chiqidighan «‹infoba› géziti»,  kanada we birleshken döletler teshkilati balilar fondi (UNICEF) ning kubagha sehiye krizisini peseytishi üchün dora yardem qilidighanliqini xewer qildi.

gérmaniyening ‹tagesschau.de› xewerler tori», girétsiye bash ministiri kiryakos mitsotakisning ot öchürüshtiki meghlubiyiti sewebidin kechürüm sorighanliqini xewer qildi.

gérmaniye awazi radiyosi, gérmaniye sayahet jemiyiti (DRV) ning ot apiti rayonlirigha pilanlanghan sayahetlerni emeldin qaldurush iltimasining yoq déyerlik derijide azliqini xewer qildi.

gérmaniyede chiqidighan «‹Tagesspiegel› géziti», b d t ning doklatigha asaslanghanda, 2030-yilghiche yer sharining issip kétishining 1.5 gradusluq chektin éship kétishi mumkinlikini xewer qildi.

rusiyening «‹TASS› agéntliqi,  rusiyening tengtoshluq pirinsipi asasida bir qisim engiliye puqralirining chégradin kirishini chekligenlikini xewer qildi.

rusiyening «‹RIA Novosti› agéntliqi», rusiye tashqi ishlar ministirliqining yaponiyeni rusiye elchixanisi aldidiki namayishlargha köz yumush bilen eyibligenlikini xewer qildi.

rusiyening «<Lenta.ru> xewerler tori», bélorusiye pirézidénti aléksandér lukashénkoning pat yéqinda wezipisidin ayrilidighanliqini jakarlighanliqini xewer qildi.

firansiyede chiqidighan «‹lé figaro›  géziti», amérikaning kowid-19 sewebidin öz puqralirini firansiyege sayahetke barmasliq heqqide agahlandurghanliqini xewer qildi.

firansiyening «‹France 24› téléwiziye qanili», kowid -19 sewebidin martinikta «ikkinchi qétimliq taqilish dewri» bashlanghanliqini we sayahetchilerning araldin ayrilishqa chaqiriq qilinghanliqini xewer qildi.

firansiyede chiqidighan «‹azadliq›  géziti», firansiye pirézidénti émmanuél makronning iranning yéngi pirézidénti ibrahim reisini yadro paaliyetlirini toxtitishqa chaqirghanliqini xewer qildi.