02.08.2021

türkiye awazi radiyosi: gérmaniyening «‹ tagésshaw.dé› tori» (tagesschau.de), «türkiye, italiye, girétsiye – aqdéngizda orman ot apetliri dawamlashmaqta» serlewhilik xewirini oqurmenlirining diqqitige sundi.

gérmaniyening «‹Deutsche Welle› xewerler tori», gérmaniyening döletke kirishte «kowid – 19» yuqumi tekshürüshidin ötüsh belgilimisini yolgha qoyghanliqini yazdi.

qatarda chiqidighan «‹errayel qeteriyye› géziti», xelqara qatar izdesh – qutquzush guruppisidin esliheliri toluq bir etretning, ot öchürüsh paaliyetlirige qatnishish üchün türkiyege qarap yürüp ketkenlikini xewer qildi.

iraqta chiqidighan «‹ezzaman› géziti», amérika qoshma ishtatliri pirézidénti jo baydinning, «iraqtiki urush wezipimiz axirlashti we yéngi bir herbiy hemkarliq basquchigha ötüldi» dégen sözlirini neqil keltürdi.

ummanda chiqidighan «‹weten› géziti», dunya sehiye teshkilatining, «kowid – 19» yuqumigha qarshi ilgiri yolgha qoyulghan (maska taqash, ariliq qaldurush qatarliq) tedbirlerning, wirusning «délta» wariyantining tarqilishini toxtitish mumkinchilikining barliqini uqturghanliqini oqurmenliri bilen ortaqlashti.

firansiyede chiqidighan «‹lé figaro› géziti» (Le Figaro), «aile ichi zorawanliq: ichki ishlar ministiri gérald darmanin, bügündin étibaren yéngi tedbirlerning ijra qilinishqa bashlinidighanliqini bildürdi» serlewhilik xewirini oqurmenlirining diqqitige sundi.

bélgiyede chiqidighan «‹lé soér›  géziti» Le Soir, marakesh padishahining döliti bilen aljiriye otturisidiki sürkilishtin epsuslinidighanliqini yazdi.

wénézuélada chiqidighan «‹télésur› géziti», (TeleSur), wénézuélaliq (ayal) tenheriketchi yülimar rojasning, dunya rékortini buzup tashlap, tunji olimpik altun médaligha érishkenlikini, üch qétimliq sekreshte (15.67 métirliq) dunya cholpinigha aylanghanliqini xewer qildi.

ispaniyede chiqidighan «‹él pais› géziti» (El País), pfizér we modérna shirketlirining, yawropa ittipaqigha satqan «kowid – 19» waksinasining bahasini östürgenlikini oqurmenliri bilen ortaqlashti.

intérfaks, rusiyening eng chong tebiiy gaz shirkiti gazpromning, 31 – iyuldin étibaren yawropadiki – awstriye (haydach), gérmaniye (réxdén), gollandiye (bérgérmér) diki yer asti iskilatlirigha tebiiy gaz qachilashni azaytqanliqini oqurmenlirining diqqitige sundi.

rusiyede chiqidighan «‹kommérsant› géziti» (Kommersant), moskwa sheher bashliqi sérgéy sobyaninning, «‹kowid – 19› yuqumining moskwagha keltürgen ziyini 600 milyard rublédin ashti» dégen sözlirini neqil keltürdi.

rusiyede chiqidighan «‹izwéstiya› géziti» (Izvestiya), amérika déngiz armiyesining yawropa we afriqadiki qomandani admiral robért burkéning,  shimaliy atlantik ehdi teshkilatining qaradéngizdiki paraxotlirining qandaq sharaitta rusiye flotigha hujum qilalaydighanliqi toghruluq bayanat élan qilghanliqini yazdi.