30.07.2021

türkiye awazi radiyosi xewiri: qatarda chiqidighan «erraye elqatariyye» géziti, jumhur reis rejep tayyip erdoghanning, türkiye qara chaplash we tehditke bash egmeydu, dégen sözlirige orun berdi.

iraqning «ezzaman» géziti, amérikaning paytext baghdadtiki elchixanisi etrapining bashqurulidighan bomba hujumigha uchrighanliqini xewer qildi.

omanda chiqidighan «elweten» géziti, behreynning wirus sewebidin 16 dölet puqrasining dölet tewelikige kirishini chekligenliki toghrisidiki uchurlarni oqurmenlirining diqqitige sundi.

firansiyening «firans-24» xewerler qanili, sénégaldiki doxturxanilarda kowid – 19 ning üchinchi dolquni sewebidin bimarlar zichliqi körülgenliki toghrisidiki uchurlarni körürmenliri bilen ortaqlashti.

firansiyening «lé matin» géziti, firansiyede saxta kowid waksina emlesh ispati sodisi qilghan bir kishining bir yilliq qamaq jazasigha höküm qilinghanliqini xewer qildi.

firansiyening «lé figaro» géziti, bir tekshürüsh netijisining, türmidin qoyup bérilgenlerning üchtin birining kéyinki yili qayta jinayet sadir qilghanliqini otturigha qoyghanliqini yazdi.

gérmaniyening «zdf.dé» tori, gérmaniyediki bir ximiyelik zawutning qattiq tashlanduq maddilarni köydürüsh meydanidiki partlashta qaza qilghanlar sanining  beshke yetkenlikini xewer qildi.

gérmaniyening «ard.de» tori, gérmaniyede 7- ayda pul paxalliqining yéqinqi 13 yilning eng yuqiri sewiyige yetkenlikini we aldinqi yilining oxshash mezgilige sélishturghanda % 3.8 ashqanliqini yazdi.

gérmaniyening «zeit.de» tori, israiliyening 60 yashtin ashqanlargha Pfizer / BioNTech waksinining üchinchi qutisini emleydighanliqini ilgiri sürdi.

rusiyening RBK tori, daniyening sabiq tashqi ishlar ministiri ufé élléman jénsénning yawropa döletlirini «shimaliy éqin -2» türini rosiyege qarshi pirosning ghelbisi (zor ziyan bedilige qolgha keltürülgen ghelibe)ge aylandurushqa chaqirghanliqini yazdi.

rusiyening «sport.ru» tori, olimpik tenheriket musabiqisining ongdisigha 200 métirgha üzüsh türide meghlup bolghan amérikaliq su üzüsh mahiri riyan murfining altun médalgha érishken rusiyelik riqabetchisi yéwgéni rilofning dora ishletkenlikini ilgiri sürgenlikini yazdi.

ispaniyening «él mundo» géziti, dunya sehiye teshkilatining hamilidar ayallarni aldin waksina emlesh tizimlikige kirgüzgenlikini xewer qildi.

argéntinada chiqidighan «infobiya» géziti, yéngi bayqashlarning waksina emlengen kishilerning délta wariyantini tarqitalaydighanliqini körsitip bergenliki toghrisidiki uchurlarni oqurmenlirining diqqitige sundi.

wénézuélada chiqidighan «télésur» géziti, argéntinada 18 yashtin yuqiri %75 ademge waksina emlengenlikini xewer qildi.