07.07.2021

türkiye awazi radiyosi: «elquddus elerebi géziti», shimaliy iraqtiki erbil ayrodurumigha bashqurulidighan bomba hujumi qilinghanliqini xewer qildi.

mezkur gézit yene, iranning xelqara atom énérgiyesi idarisigha %20 uran qoyuldurush niyitini bildürgenlikini xewer qildi.

xewerde, washingtonning buni «keynige tashlanghan teleysiz qedem» dégenliki qeyt qilindi.

 iyordaniyede chiqidighan «eddestur géziti», ummanning wuxen wirusigha qarshi qurban héytning birinchi künidin tötinchi künigiche pütünley taqilishni qarar qilghanliqini xewer qildi.

rusiyening «riya nowosti agéntliqi» (RİA Novosti), tashqi ishlar ministiri sérgéy lawrowning afghanistanda weziyetning téz sürette yamanlishiwatqanliqini éytqanliqini xewer qildi.

rusiyede chiqidighan «wédomosti géziti» (Vedomosti), rusiye hökümitining 10-iyul (2021) din kéyin, chet ellerge sayahetke bérip qaytqan kishilerning ichidiki waksina emletken yaki yuqumlinip yaxshilanghanlarni salametlik tekshürüshidin ötküzmeydighanliqini xewer qildi.

rusiyede chiqidighan «izwéstiya géziti» (İzvestiya), yawropa xewpsizlik we hemkarliq teshkilati yighinida, ukrainaning rusiyege qarshi layiheni küntertipke qoyushi bilen, rusiye heyitining yighinni tashlap chiqip ketkenlikini xewer qildi.

ispaniyede chiqidighan «él pais géziti» (El País), ispaniyening kataloniye rayonida, bu heptining axiridin bashlap wuxen wirusi (Kovid-19 ) gha qarshi turush tedbirliri ramkisida, kéchilik köngül échish makanlirini taqaydighanliqini xewer qildi.

argéntinada chiqidighan «infobiye géziti» (Infobae), kolombiyede basqunchilar we balilar qatillirini muddetsiz qamaq jazasi bérishning ijra qilinishqa bashlighanliqini xewer qildi.

ispaniyede chiqidighan «él marka géziti» (El Marca), 2020-yilliq yawropa longqisining yérim hel qilghuch musabqiside, italiye komandisi bilen ispaniye komandisining tengliship qalghanliqi we ispaniyening 11 qedemdin tépishta utturup qoyup hel qilghuch musabiqige chüshüsh salahiyitini qoldin bérip qoyghanliqini xewer qildi.

gérmaniye awazi radiyosi, gérmaniyening besh döletke qarita sayahet cheklimilirini boshashturghanliqini xewer qildi.

gérmaniyening «tagésshaw.dé» tori (Tagesschau.de), bélarusiye pirézidénti aléksandir lukashénkoning émbargolargha qarshi gérmaniyege köchmenler bilen tehdit séliwatqanliqini xewer qildi.

gérmaniyening « tagéshpigél géziti» (Tagesspiegel), gérmaniyede her qaysi ishtatlar 25 ming tamashibin qatnishidighan paaliyetlerge ruxset qilishni oylishiwatqanliqini xewer qildi.

firansiyede chiqidighan «lé mondé géziti» (Le Monde), ispaniyede wuxen wirusining «nahayiti küchlük halda tarqilish süriti» de yéngi dolqun peyda qilghanliqini xewer qildi.

firansiyede chiqidighan «lé parisiyin géziti» (Le Parisien), paytext parizhda wuxen wirusi yuqumining qaytidin janlinishining mesullarni endishege séliwatqanliqini xewer qildi.