16.06.2021

türkiye awazi radiyosi: gérmaniyening «‹z d f.dé › xewerler tori» (zdf.de), «gérmaniyede ‹kowid – 19› yuqumi mezgilide ashqun ongchilliq éqimi ewj élip ketti» serlewhilik xewirini oqurmenlirining diqqitige sundi.

gérmaniyening «‹Deutsche Welle› xewerler tori», yawropa ittipaqida élip bérilghan bir ray sinash netijisige qarighanda, köp sandiki yawropaliqlarning «döletlirimizde chiriklik qilmishliri köpiyip kétiwatidu» dep oylaydighanliqini xewer qildi.

gérmaniyening «‹ ard.de› xewerler tori», gérmaniyede pul paxalliqining yéqinqi 10 yildin buyanqi eng yüksek sewiyede ikenlikini yazdi.

iyordaniye chiqidighan «‹eddustur› géziti», «quddusta (ashqun ongchil yehudiylarning) bayraq namayishi, néftali bénnét rehberlikidiki israiliye hökümitining tunji imtihani» serlewhilik xewirini oqurmenliri bilen ortaqlashti.

ereb we ingiliz tillirida chiqidighan «‹elqudsul erebi› géziti», israiliyening ghezze rayonini bombardiman qilghanliqini oqurmenliri bilen ortaqlashti.

qatarda chiqidighan «‹errayel qeteriyye› géziti», «ereb elliri ittipaqigha eza döletler tashqi ishlar ministirliri, birleshken döletler teshkilati xewpsizlik kéngishini nehde dambisi mesilisige alaqidar özgirishler heqqide jiddiy kéngesh yighini échishqa chaqirdi» serlewhilik xewirini oqurmenlirining diqqitige sundi.

firansiyede chiqidighan «‹lé figaro› géziti» (Le Figaro), «kowid – 19» yuqumining amérika qoshma ishtatlirida 2019 – yili otturigha chiqqanliqini yazdi.

firansiyede chiqidighan «‹lé parisiyin› géziti» (Le Parisien), firansiye bash ministiri yén kastéksning karantin mudditining axirlashqanliqini, shunga uning ministirlar kéngishining paaliyetlirige qatnishalaydighanliqini xewer qildi.

rusiyening «‹lénta.ru› xewerler tori» (Lenta.ru), sayt pétérsburg uniwérsitétida wezepe ötewatqan alimlarning, «rusiyede iyul éyining otturiliri <kowid – 19»> wirusi bilen yuqumlanghuchilar sanida adettin tashqiri derijide éshish körülidu» dep qaraydighanliqini xewer qildi.

rusiyening «‹tass› agéntliqi» (TASS),  töwendiki uchurlarni oqurmenlirining diqqitige sundi:

rusiye pirézidénti wiladimir putinning bayanatchisi dmitri péskow, rusiye bilen amérika qoshma ishtatliri otturisidiki diyalog kemchillikining sabiq sowét ittipaqi dewrikidinmu köp ikenlikini, halbuki, hel qilinishqa tégishlik mesililerning nahayiti köplikini éytti.

rusiyede chiqidighan «‹izwéstiya› géziti» (Izvestiya), munu uchurlargha orun ajratti:

amérika qoshma ishtatlirining sabiq tashqi ishlar ministiri mayk pompéyo, amérika qoshma ishtatliri pirézidénti jo baydinning, rusiye pirézidénti wiladimir putin bilen 16 – iyun küni (bügün) ishqa ashuridighan körüshüshidin kéyin qoshma axbarat élan qilish yighinigha qatnshiishni xalimasliqining, uning ajizliqining ispati ikenlikini éytti.