09.06.2021

türkiye awazi radiyosi: ereb we ingiliz tillirida chiqidighan «‹elqudsul erebi› géziti», «kanada bash ministiri jastin trudo, kanadada musulman bir ailidin mashinining astida ézilip öltürülüshini <térrorluq hujumi> dep atidi.» serlewhilik xewirini oqurmenlirining diqqitige sundi.

qatarda chiqidighan «‹errayel qeteriyye› géziti», israiliyediki yéshi eng chong iyordaniyelik mehbus (abdullah ebu jabir) dölitige qaytti» serlewhilik xewirini oqurmenliri bilen ortaqlashti.

qatarning «‹eljezire› téléwiziye qanili» (Al Jazeera), iyordaniye padishahi 2 – abdullahning, «iyordaniyeni we pelestin dawasini küchsizleshtürüsh üchün suyiqest bar idi, lékin biz buning bilen yüzlisheliduq» dégen sözlirini neqil keltürdi.

gérmaniyede chiqidighan «‹frankfurtér algémayné zeytung› géziti» (Frankfurter Allgemeine Zeitung), birleshken döletler teshkilati xewpsizlik kéngishining, birleshken döletler teshkilati bash katipi antonyo gutéréshning ikkinchi basquch üchün namzatliq iltimasini qollaydighanliqini yazdi.

gérmaniyening «‹d p a› agéntliqi» (dpa), «urush jinayiti soti - xelqara sot, ratko mladich üstidin chiqirilghan qararni testiqlidi» serlewhilik xewirini oqurmenlirining diqqitige sundi.

«‹n-t w.dé› tori» (n-tv.de),  «gérmaniye bash ministiri angéla mérkél, kilimat özgirishi mesiliside, <hazirghiche ishligen xizmetlirimiz yéterlik emes> dédi.» serlewhilik xewirini oqurmenlirining diqqitige sundi.

ispaniyede chiqidighan «‹él pais› géziti» (El País), «biryussél, ispaniye we portugaliyening dölet pilanini meblegh bilen teminleydighan yawropa eslige keltürüsh fondini ishqa kirishtürmekchi.» serlewhilik xewirini oqurmenliri bilen ortaqlashti.

ispaniyede chiqidighan «‹él mundo› géziti» (El Mundo), ispaniye padishahi 6 – félipéning, «kowid – 19» yuqumi axirlashqanda, «ispaniyening aldida nurghun iqtisadiy xiris bar» liqini étirap qilghanliqini yazdi.

wénézuélada chiqidighan «‹télésur› géziti», (TeleSur), «(péru pirézidént saylimi) ​​pédro kastillo sanalghan béletlerning %  99% tini élip, reqibining aldida kétip barmaqta» serlewhilik xewirini oqurmenlirining diqqitige sundi.

firansiyede chiqidighan «‹lé figaro› géziti» (Le Figaro), aljiriyening hefterning hujumigha qarshi liwiyede mudaxile qilishqa teyyar ikenlikini bildürgenlikini yazdi.

firansiyede chiqidighan «‹lé parisiyin› géziti» (Le Parisien), firansiye edliyesining épinay shehiridiki 3 toluq ottura mektep oqughuchisining pikirliri seweblik tekshürülgenlikini étirap qilghanliqini, firansiye dölitining jazagha höküm qilinghanliqini oqurmenliri bilen ortaqlashti.

rusiyening «‹gazete.ru› tori» (Gazeta.ru), rusiyening ryazan shehiridiki bir doxturxanining jiddiy qutquzush bölümide yüz bergen ot apitide 3 kishining ölgenlikini,  11 kishining yarilanghanliqini xewer qildi.

rusiyening «‹riya nowosti› agéntliqi» (Ria Novosti), munu uchurlarni  oqurmenlirining diqqitige sundi:

 amérika qoshma ishtatliri tashqi ishlar ministiri antoni blinkén, rusiye teripidin ishqa ashuruluwatqan «shimaliy éqim – 2 turuba liniyesi» élip kelgüsi aqiwetler toghruluq gérmaniyedin tégishlik tedbirlerni qollinishini kütüwatqanliqlirini, bu mesile heqqide gérmaniye terep bilen muzakire élip bérilghanliqini we ukrainaning rusiyening tebiiy gazini yötkiyelmesliktin kélip chiqidighan ziyinining toluqlap bérilidighanliqini éytti.

rusiyening «‹lénta.ru› xewerler tori» (Lenta.ru), qaradéngizda bulghariyege ait bir urush ayropilanining chüshüp ketkenlikini yazdi.