06.05.2021

gérmaniyening «‹Zdf.de› xewerler tori», gérmaniyediki yuqum tedbirliri sewebidin dersliride chékinip ketken oqughuchilargha yardem bérish üchün teyyarlanghan 2 milyard yawroluq yardem pilanining ministirlar kéngishi teripidin qobul qilinghanliqi xewer qildi.

gérmaniyede chiqidighan «‹Suddeutsche Zeitung› géziti»,  ijtimaiy taratqu békiti féysbukning sabiq amérika pirézidénti donald trampning ijtimaiy alaqe supisigha kirishini chekleshni dawamlashturush qarari alghanliqini xewer qildi.

gérmaniyening «‹Welt.de› xewerler tori», yawropa ittipaqi puqralirining töttin bir qisimigha tunji qétimliq waksina emlinip bolghanliqini xewer qildi.

firansiyede chiqidighan «‹lé mondé›  géziti», firansiyening mérnignak kochisining otturisida jinayetchi éri teripidin tirik köydürüwitilgen ayalning qaza qilghanliqini xewer qildi.

«‹France 24› téléwiziye qanili»,  (firansiyelik esker we siyasion) napaléonning wapat bolghanliqining 200 - yilliqi xatirlesh munasiwiti bilen firansiye pirézidénti émmanuél makronning «napaléon bizning bir parchimizdur» dégenlikini xewer qildi.

firansiyede chiqidighan «‹lé parisén›  géziti», fransiyening awigonon shehiride zeherlik chékimlikke qarshi ​​heriket jeryanida bir saqchining étip öltürülgenlikini xewer qildi.

ereb we ingiliz tillirida chiqidighan «‹elqudsul erebi› géziti», yawropa ittipaqining ishghaliyetchi israiliyedin qanunsiz olturaq rayonlirini kéngeytishni toxtitishini telep qilghanliqini xewer qildi.

oxshash gézit yene, liwiyening sherqiy qismidin bir heyetning paytext tiripolini ziyaret qilghanliqini we liwiye bash ministiri abdulhemid dibeybedin bénghazi ziyaritini tézlitishni telep qilghanliqini xewer qildi.

qatarning «eljezire téléwiziye qanili», diplomatik menbelerning «téhran bilen amérika otturisidiki ghayet zor pikir oxshimasliqi wiyana muzakirilirining ilgirilishini toxtitip qoydi» dégenlikini xewer qildi

ispaniyede chiqidighan «‹El Pais› géziti» ining xewirige asaslanghanda,  madridning aptonomiye hökümitide 4-may seyshenbe küni ötküzülgen muddettin ilgiriki parlamént ezaliri saylimida solchi partiyeler meghlup bolghan. buninggha qarta ispaniye sotsiyalistik ishchilar partiyisi (PSOE) ning bir qisim parlamént ezaliri iqtisadning eslige kélishige ishinidighanliqini we buning saylamdiki selbiy weziyetni özgertishi mumkinlikini éytqan.

ispaniyede chiqidighan «‹El Mundo› géziti», podémos partiyiesi rehbiri pablo igléasyas siyasettin ayrilghandin kéyin, partiyening yéngi rehbiri emgek ministiri yölenda diaz bolup qélishi mumkinlikini xewer qildi.

wénézuélada chiqidighan «‹TeleSur› géziti», kolumbiyede bixeterlik qisimliri bilen namayishchilar otturisida, toqushlargha tolghan yene bir kéche bolghanliqini we péréyra shehiride ikki namayishchining qaza qilghanliqini xewer qildi.

rusiyening «<Lenta.ru> xewerler tori»,  ukrainaning rusiyeni birleshken döletler teshkilati supisini suyiistémal qilish bilen eyibligenlikini xewer qildi.

rusiyening «‹TASS› agéntliqi, modérna waksinisining dunya waksina qurultiyida eng yaxshi kowid-19 waksinisi bolup tallanghanliqini xewer qildi.

rusiyening «‹Ria.ru› xewerler tori», amérika mutexessislirining amérika pirézidénti jo baydin bilen rusiye pirézidénti wiladimir putinning uchrishishining chéx, islandiye, slowéniye yaki ezerbeyjanning paytextliridin birside ötküzülishi mumkinlikini xewer qildi.