20.04.2021

türkiye awazi radiyosi:gérmaniyening «tagésshaw.dé» tori (Tagesschau.de), yawropa ittipaqining birmadiki herbiy hökümetke qoshumche émbargo yürgüzgenlikini xewer qildi.

gérmaniyede chiqidighan «frankfurtér algémayné zeytung géziti» (Frankfurter Allgemeine Zeitung), gérmaniyening xanaw shehiridiki irqiy ayrimichiliq hujumida jénidin ayrilghan ruméniyelik 22 yashliq wiligha, hujum kéchiside körsetken jasariti seweblik «medeniy jasaret médali» bérilgenlikini xewer qildi.

«elquddus elerebi géziti», qatar emirining liwanni qollaydighanliqlirini tekrarlap, tereplerni hökümet qurush musapisini tézleshtürüshke chaqirghanliqini xewer qildi.

eljezire qanili, sudanning isirailiyeni bayqut qilish qanunini resmiy türde emeldin qaldurghanliqini xewer qildi.

firansiyede chiqidighan «lé figaro géziti», énérgiye sahesidiki karbon gazi qoyup bérish miqdarining 2021-yilida zor derijide aziyishning texmin qiliniwatqanliqini xewer qildi.

«24-frans» qanili, riwanda teripidin teyyarlanghan doklatta, firansiyening irqiy qirghinchiliqta «chong mesuliyiti» barliqining körsitilidighanliqini xewer qildi.

argéntinada chiqidighan «infobiye géziti» (Infobae), rusiyede élip bérilghan tetqiqatta körsitilishiche, «sputnik» waksinasi ünümining %97.6 ke yétidighanliqini xewer qildi.

wénézuélada chiqidighan «télésur géziti», wénézuéla hökümitining b d t bilen yémek-ichmek yardem kélishimi imzalighanliqini xewer qildi.

kubada chiqidighan «prénsa latina géziti» (Prensa Latina), argéntina paytexti boyinos ayrista oqutquchilarning yüzturane ders ötüshke  qarshi ish tashlighanliqini xewer qildi.

rusiyening «riya nowosti agéntliqi» (RİA Novosti), amérikaning yéngi émbargo qararigha qarshi rusiye tashqi ishlar ministirliqi washingtongha qaytishini tewsiye qilghan bash elchi jon suliwanning moskwadin ayrilishni ret qilghanliqini xewer qildi.

rusiyening «tas agéntliqi» (TASS), chéxiye birinchi muawin bash ministiri, ichki ishlar ministiri we tashqi ishlar ministir wekili zhan xamachékning, yawropa ittipaqi we natodiki ittipaqdashlirining rusiye istixbarat xadimlirini chégradin qoghlap chiqarghanliqini memnunluq bilen qollaydighanliqlirini éytqanliqni xewer qildi.

rusiyening «lénta.ru» tori (Lenta.ru), yawropa kéngishi parlamént ezaliri mejlisining rusiyediki öktichi rehber alékséy nawalniyning qoyup bérilishini we tibbiy jehettin yardem qilinishni telep qilghanliqini xewer qildi.