08.12.2020

türkiye awazi radiyosi: gérmaniye awazi radiyosi, türkiye jumhur reisi rejep tayyip erdoghanning yawropa ittipaqigha qaritip: «qolimiz hawada qalmisun» dégenlikini xewer qildi.

xewerde, rejep tayyip erdoghanning sherqiy aqdéngizda sahili bolghan döletler we qibris türklirimu orun alghan konférans ötküzüshni telep qilip: «munasiwetlik tereplerdin türkiyening uzatqan qolining hawada qalmasliqini kütimiz» dégenliki qeyt qilindi.

gérmaniyening «bild.dé» tori (Bild.de), «gérmaniyening yéngi waksina pilani: deslepte kimlerge emlinidu we yilning tunji charikide qanche kishi emlinidu?» serlewhiside xewer élan qildi.

gérmaniyening «tagésshaw.dé» tori (Tagesschau.de), gérmaniyede téximu qattiq bolghan wuxen wirusi tedbirliri chaqiriqlirining barghanséri yükséliwatqanliqini xewer qildi.

xewerde, bezi ishtatlarning rozhdéstwa bayrimidin burun wuxen wirusi tedbirlirining dairisini kéngeytishni oylishiwatqanliqi, hökümetningmu oxshash qarashta ikenliki qeyt qilindi.

firansiyede chiqidighan «lé parisiyin géziti» (Le Parisien), firansiye shirketlirining 2021-yilining tunji charikide ishqa élishni oylimaydighanliqini xewer qildi.

bélgiyede chiqidighan «löswa géziti» (Le Soir), bélgiyede wuxen wirusigha qarshi turush tedbirlirige boysunulmighan teqdirde, yuqumning paskalya bayrimighiche dawamlishidighanliqini xewer qildi.

«el quddus elerebi géziti», amérika pirézidénti donald trampning aldimizdiki yazdin burun dunyadiki döletlerge wuxen wirusi waksinasini tarqitishqa tosqunluq qiliwatqanliqini xewer qildi.

pirézidéntliq wezipisi axirlishish aldida turuwatqan trampning, amérika hökümiti bashqa döletlerge yardem qilishtin burun barliq amérikaliqlarning wuxen wirusi waksinasigha ige bolushini kapaletke ige qilidighan bir memuriy buyruqni imzalishining kütülüwatqanliqi qeyt qilindi.

mezkur gézit yene, ereb birleshme xelipilikining padishahliq ailisidiki bir sheyxning ereblerge we muhemmed eleyhissalamgha haqaret qilghan isirailiyening bir tenterbiye kulubining paycheklirining yérimini sétiwalidighanliqini xewer qildi.

«elraye elqatariyye géziti», kerkükning jenubida yüz bergen térrorluq teshkilati daéshning hujumida, bir saqchining jénidin ayrilghanliqini xewer qildi.

ispaniyede chiqidighan «él pais géziti» (El Pais), köpinche yawropa döletliride wuxen wirusining ikkinchi dolqunining, birinchi dolqunidin téximu köp ölümge seweb bolghanliqini xewer qildi.

ispaniyede chiqidighan «él mundo géziti» (El Mundo), ispaniyening sabiq padishahi 1-xuen karlos (I.Juan Carlos) ning dostlirining uni ispaniyege qaytmasliqi üchün qayil qilishqa tirishiwatqanliqini xewer qildi.

wénézuélada chiqidighan «télésur géziti» (TeleSur), düshenbe küni (2020-yili 7-dékabir) wuxen wirusigha qarshi yolgha qoyulghan qattiq tedbirler dairiside, minglarche balilarning kuba paytexti hawanadiki mekteplerge qaytqanliqini xewer qildi.

rusiyede chiqidighan «kommérsant géziti» (Kommersant), rusiyening qorallarni kontrol qilish heqqidiki ramka kélishimining nusxilirini amérikagha ewetkenlikini xewer qildi.

rusiyede chiqidighan «rossiyskaya géziti» (Rossiyskaya), rusiye pirézidénti putin bilen gérmaniye bash ministiri angéla mérkélning, qarabagh, donbas we wuxen wirusi waksinaliri toghrisida söhbetleshkenlikini xewer qildi.