27.08.2020

türkiye awazi radiyosi: firansiyede chiqidighan «lé figaro géziti» (Le Figaro), firansiye hökümitining wuxen wirusi (Kovid-19) mesiliside ishenchni ashurush üchün belgilimilerni chingitidighanliqini xewer qildi.

firansiyede chiqidighan «lé mondé géziti» (Le Monde), iranning xelqara atom énérgiyesi idarisigha gumanliq ikki meshghulat rayonigha kirishke ruxset qilghanliqini xewer qildi.

«-24frans» qanili, 2021-yilliq dawos dunya iqtisad munbirining wuxen wirusi sewebidin 2021-yilining yaz peslige kéchiktürülgenlikini xewer qildi.

«niyus sabah géziti», iraq sehiye ministirliqi iraqta zukam waksénisining barliq puqralargha urulidighanliqini élan qilghanliqini xewer qildi.

qatarda chiqidighan «elraya el qatariyya géziti», qatarning liwiye mesilisini siyasiy jehettin hel qilish üchün tirishiwatqanliqini xewer qildi.

engliye paytexti londonda erebche chiqidighan «el quddus elerebi géziti», liwanda iyul éyida pul paxalliqining %100 din éship ketkenlikini xewer qildi.

gérmaniye awazi radiyosi, sherqiy aqdéngizda türkiye-amérika ortaq telim-terbiye manéwiri ötküzülidighanliqini xewer qildi.

gérmaniyening «tagésshaw.dé» tori (Tagesschau.de), girétsiyening déngiz tewelikini 12 milgha chiqiridighanliqini élan qilghanliqini xewer qildi.

ispaniyede chiqidighan «él pais géziti» (El País), ispaniyede élip bérilghan bir tetqiqat doklatida, wuxen wirusining balilar arisidiki «yuqumlinish nisbiti» ning omumiy nopusning altin birige toghra kélidighanliqining bildürülgenlikini xewer qildi.

panamada chiqidighan «la prénsa géziti» (La Prensa), amérikada lora quyuni xeterlik derijisining intayin xeterlik bolghan tötke chiqirilghanliqini  xewer qildi.

rusiyening «gazete.ru» tori (Gazete.ru), amérikaning rusiyege qaritilghan émbargo tizimlikini yéngilighanliqini we rusiye mudapie ministirliqigha qarashliq ikki tetqiqat inistitutining kirgüzülgenlikini xewer qildi.

rusiyening «r b k agéntliqi» (RBK), süriyede charlash élip bériwatqan rusiye aptomobilining amérika herbiy aptomobiligha soqulushi netijiside, bir qanche amérika eskirining yarilanghanliqini xewer qildi.

rusiyede chiqidighan «izwéstiya géziti» (İzvestiya), rusiyening hawada wuxen wirusini bayqiyalaydighan bir apparat yasighanliqini xewer qildi.